Amamihe Jizọs Tụrụ Ndị Gere Ya Ntị n’Anya
Maka Ndị Na-eto Eto
Amamihe Jizọs Tụrụ Ndị Gere Ya Ntị n’Anya
Otú ị ga-esi mee ya: Nọrọ n’ebe ụzụ na-adịghị mee ihe omume a. Mgbe ị na-agụ ebe ndị ahụ a chọrọ ka ị gụọ n’Akwụkwọ Nsọ, were ya na ị nọ mgbe ihe ahụ ị na-agụ mere. Jiri anya nke uche gị kirie ebe ihe ahụ mere. Nụrụ olu ndị ahụ ị na-agụ banyere ha. Ka ihe ha na-eme ruo gị n’ahụ́. Ka ihe ị na-agụ yie gị ka ọ̀ na-eme eme ugbu a.
CHEBARA OTÚ IHE A SI MEE ECHICHE.—GỤỌ LUK 2:41-47.
Gịnị ka i chere Jizọs na ndị nkụzi ahụ nọ na-ekwu dị ka e kwuru n’amaokwu nke iri anọ na isii?
․․․․․
LEBAKWUO YA ANYA.
Gịnị ka i chere mere Jizọs na ndị ndú okpukpe ahụ ji nwee ike ikwurịta okwu n’agbanyeghị na ọ ka bụ nwata? Ọ̀ bụ naanị maka na o zuru okè, ka ò nwere ihe ọzọ mere ya?
․․․․․
CHEBARA OTÚ IHE A SI MEE ECHICHE.—GỤỌ LUK 2:48-52.
Olee ụdị olu Jizọs ji jụọ nne na nna ya, sị: “Gịnị mere unu ji na-achọgharị m?”
․․․․․
Olee ihe mere anyị ga-eji jide n’aka na Jizọs ejighị olu ike ma ọ bụ olu mkparị gwa nne na nna ya okwu?
․․․․․
LEBAKWUO YA ANYA.
Gịnị mere obi Josef na Meri chị n’aka mgbe ha na-achọgharị Jizọs na-ejighị bụrụ ihe ọjọọ?
․․․․․
Ọ bụ ezie na Jizọs zuru okè, gịnị mere o ji nọgide na-erubere nne na nna ya isi?
․․․․․
Ì chere na ihere mere Jizọs maka na a nọ n’ihu ndị nwere mmasị n’ebe ọ nọ baara ya mba?
․․․․․
TINYE IHE Ị MỤTARA N’ỌRỤ. DEE IHE Ị MỤTARA BANYERE . . .
Nrubeisi.
Uru ọ bara mmadụ ịmara ihe dị na Baịbụl mgbe ọ ka bụ nwata.
․․․․․
OLEE IHE KACHA METỤ GỊ N’AHỤ́
N’AKỤKỌ A A KỌRỌ NA BAỊBỤL? Ọ̀ BỤ N’IHI GỊNỊ?
․․․․․