ỊBayịbụụ myị̀ la ọ-chụ pwokwita nya abwọ ọrịrị lụmẹ-lụmẹ ịlẹ ká iJihova wẹ. Ụka ká angịnyị nya Ohe Oluhye a yẹ jaabwọ ká iJihova ke ụrụ wo laa u-uhye nya akama nyaa, ịwẹẹ ọdada á ji ka, ọmyịmyị nyaa kaa nwà lọngịrị gụ olene. Lẹẹlẹ, ọ há nyahị ọ-ka gu ẹnyị nya ang ọlẹ kọ ri olo nyahị kpangga ẹ-ẹpwụ nya abwọ ọrịrị nyahị bala ọ-ka maga nyọka yẹ jaabwọ ká iJihova wẹ abwọ ọrịrị nyahị ọọwa. Ahị ka kpịtịya nyori, ọhẹka ọwẹwẹ nyamwụ ka datị lee o-kpoye nya ang ọlẹ kahị bịlẹ myị́. (2Kọr 12:​7-9; Efe 3:20) Ịịyẹ iJihova à tị́ ka họ myị́ kọ ka ri ọwẹwẹ nya ang ọlẹ kahị bịlọọ?

• Ọ ka ri ogogo nya ịnyịrọ, okpunyi nya ọkịlẹtụ, lee ọngịrị ọlẹ kahị ka jẹ́-ẹ kpa bọhụ ẹ-ẹpwụ nya akama.​—Filip 4:13

• Ẹla ọjẹ́jẹ ọ-ka kpa cheje ọnyịịla.​—Jem 1:5

• Ọngịrị ọ-kpa họ ụkụrwọ.​—Filip 2:13

• Okpunyi nya ọkịlẹtụ ụka kahị la uko ọchịchị.​—Filip 4:​6, 7

• Ọhụ ojuju, ụbwọ ọdada bala ẹjẹ ọkpụ́kpụ́ bwu ẹga nya angịkịla.​—1Jọn 3:​17, 18

• Ụbwọ ọdada ọlẹ ká angịlẹ kahị raabwọ chajị nyaa kaa ye.​—Ụkụr 12:​5, 11

YẸ IFIM ỌLẸ KỌ RI IJIHOVA À RI ỌNGỌ “KAA WO ABWỌ ỌRỊRỊ NYAHỊ LẸ,” KANỤ WẸ ỊTỌ ẸLA ILEJI ỊLẸ:

• Ányị oja nya ọọnahị Shimizu à tị́ ka bwu juhi ọhụ ụka kahị jụ ang họ jaabwọ kahị kaa họ myị́ ene-ene ka?

• Ányị ahị tị́ ka bwu gbịlẹ ọgụ-ẹpẹtẹ nya ọọnahị Shimizu?