Aanahị kaa họ ụkụrwọ yẹẹyẹẹ nyọka nwụla ụpa ọlẹ kọ ri ụgbẹyị ọlẹ áhị ka bwu ya ẹla nọ, iru nya angị kpa ẹrụ ọnyịịla pyẹ tị yẹ nyori ụgbẹyị ọwẹ nyị há yẹẹyẹẹ o-oye nyaa. Ma, nyọlẹ ká iwe-ahụrụ tị datị hi awụlẹ bwu ẹga ọhẹ ka ẹga ọkịla odehe wẹẹ, angị kpa ẹrụ ọnyịịla pyẹ la iwe nyọka kpa agbẹyị bala egbeju nya ẹla ịdatị-datị ịlẹ kị ka pwoku iwe-ahụrụ oloye nyaa họ ụkụrwọ ẹ-ẹrụ ọnyịịla ọ-kpa pyẹ nyaa. Ma, ọng myị́ ọng baba nyọka ba ọmẹjẹ ọnyị myị́ ọnyị u-uhye nya ẹrụ ọnyịịla ọ-kpa pyẹ ụ-ụgbẹyị ọdatị jẹ. Irya nyahị rị ọ-ka họ ẹla ọlẹ ká iJisọsị ya jịra, nyọka kpa ẹrụ ọnyịịla chajị nya Ịpyị-adịrahụ pyẹ.​—Mat 24:14.

Ụka kị ya ụkụrwọ ha ọngịnyị ọ-ọjịra-jịra, angị kpa ẹrụ ọnyịịla pyẹ ka ya ẹla u-uhye nya egbeju ẹla ọlẹ kọ juwa ụpa ọlẹ kọ ri, ụgbẹyị ọlẹ áhị ka bwu ya ẹla ọlẹpwụ nya Ụpwụ ọ-Kpa Jẹ́ nya Ang Ọhịhị Bala Ụkụrwọ Nyahị. Ị la iwe nyọka chụ ịtọ ẹla, ụpwụ ịgọgọ, ịtọ ẹla ọ-ya nọ e-eji lee ụgbẹyị ọlẹ kị ka họọ ọdatị ọlẹ kọ ka ha pwoku oye nyaa, kẹnẹ-kẹnẹ kori kị ya ẹla ọkịla lẹ mẹ ịnyị. Ẹla ọlẹ ri ọ-yẹda nya ẹla ọlẹ kị da kpehe ẹ-ẹbẹ 8 nya ụpwụ ọ-kpa jẹ́ ang nya Ọya Ọharwọnyẹ 2020.