HỊHỊ LALA ANGỊNYỊ NYA ỊKỊRAYỊSỊ
Kpịtịya nya Ang Ọlẹ Kọ Họ ẹ-Ẹga nya Ahụ nya ỊLọtụ
Ịyẹ tị du ká ahụ nya ịLọtụ mama chịng chẹhị kẹkpẹ nyọlẹ kọ́ wẹẹ rụ hi ịSọdọm? ỊBayịbụụ-ụ́ ya kpangga ka. (Ọmw 19:17, 26) Ẹla ọlẹ ká iJisọsị ya ene nya ọna ọdada ọwẹ mẹjẹ nyori, ọhẹka ọ mama nya ang ụdụ ịlẹ kọ́ tụụbwọ hi. (Lu 17:31, 32) Ányị ahị tị́ ka họ chajị ká ọnahị nya Ohe Oluhye ka nyẹẹhị lala ahụ nya ịLọtụ ka? Áhị ka hu ang nya ụdụ o-kuku kụ ịlahị, ẹ-ẹpwụ nya ọhịhị nyahị ka. (Mat 6:33) IJisọsị myịmyị mẹjẹẹhị nyori, áhị ‘ka jẹ́-ẹ rị ọnchẹ nya Ohe Oluhye myịmyị-ị rị ịnya ụdụ nya odehe ọlẹ ka.’ (Mat 6:24) Lẹ, kori káhị yẹ nyori ang ụdụ juwa hụhị-ahị hi ang nya olegu tị bẹ-ẹ̀? Ahị ka raabwọ bịlẹ iJihova nyọka ya irya nya olegu hahị chajị káhị ka yẹ ẹga ọlẹ káhị baba nya ọ-nwụ họ. Ahị ka myịmyị bịlẹ ọngịrị bala ugbodu ojuju nyọka jẹ́-ẹ họ ịnyị.
KPỊLỌNG ỊTỊYA NYA IFIM ỌLA ỤPA ỊTA ỌLẸ KỌ RI, KPỊTỊYA NYA ANG ỌLẸ KỌ HỌ Ẹ-ẸGA NYA AHỤ NYA ỊLỌTỤ, KÁ WẸ ỊTỌ ẸLA ILEJI ỊLẸ:
-
Ányị m tị́ ka mẹjẹ bwula abwẹla nyam nyori M̀ “kpịtiya nya ang ọlẹ kọ họ ẹ-ẹga nya Ahụ nya ỊLọtụ”?
Ányị ẹla ọ-ya rịrị iGloriya nyọka ku ang ụdụ à tị yẹ irya ọ-kụkụ, ẹla oyaya, bala abwẹla nyamwụ da?
-
Ányị oja nya ahụ nya ịLọtụ à tị́ ri ụbwọ ogbile ụ-ụrụ hahị alẹ?
-
Ányị ọ-ba ẹla ọmẹjẹ ịla ịBayịbụụ jẹ à tị́ da iJo bala ugbiyegu nyamwụ ụbwọ?
-
Ányị angịlẹ ká Anna kaa ju ogu bala ọ-ọlụkụrwọ à tị́ yẹ ọhịhị nyamwụ da ẹ-ẹga nya ang nya olegu?
-
Ịyẹ tị́ du káhị baba nya ugbodu ojuju, ụka kị juwa ya ẹla rịrịịhị nyọka ku ang ụdụ?
-
Ányị ịBẹn bala iGloriya à tị́ bwu hu ang nya olegu kụ ịlahị myịmyị?
-
Ẹla ọmẹjẹ ịla ịBayịbụụ iyina-à tị yẹ ká ifim ọwẹ mẹjẹẹhị?
