Ịịyẹ à tịị maga nyọka họ ahyẹẹnụ myị́ ahyẹẹnụ? À ri ayịdẹpwa ọlẹ kọ juwa maga jaabwọ kọ ka bwu kpẹhị ju alẹpwa nyamwụ? À ri ịnịna lee adịda ọlẹ ka ji ụbwọng la anjwo, ká tị ja maga jaabwọ á ka bwu kpẹhị rịraa? À ri onjwo ọla ube-ẹpwụ ọlẹ ká aliko nyang à kaa myị hang ka bwula ọ-chị oyoyi jung? À ri ọngọhẹ ọlẹ ká ẹdụrụ lee akama nya ọngọgbahị oriri juwa yẹ rịrịng? Ọng myị́ ọng nyahị wuu la akama. Angịnyị nya ịKịrayịsị lụmẹ-lụmẹ juwa chịpwụrụ bwu ẹpwụ nya iru nya ịmayẹ ịlịịwẹ lụka ookpokpo. Ma, ahị jẹ́ nyori lụka o-kpii, ahị ka la ọgba kpehe bwu ẹpwụ nya iru nya ịmayẹ ịwẹ wuu.​—2Kọr 4:16-18.

Gbee da ụka ọọwa, ahị ka jẹ́-ẹ ye ẹjẹ ọkpụ́kpụ bwula ọ-jẹ́ nyori iJihova jẹ́ iwe-ahụrụ nyahị bala o-ri ịlọhị ọ-kpa keji bala ọhụ ọbaba nyahị jwoo apyobwuna yẹẹyẹẹ, ọ tị ka wahị kụrụụhị ọtụka-ọtụka ụ-ụwa ị-ịlahị. (Jer 29:11, 12) IJisọsị ịnyịnyị kaa kpahị i-irya. Jaabwọ kahị wẹẹ maga nyọka họ ụkụrwọ nya Angịnyị nya ịKịrayịsị oriri nyahị jịra wẹẹ, iJisọsị ayịdang myị ọnụ hahị nyori: “M ka juwa tanụ.” (Mat 28:20) Ụka kahị chị godayị kahị kụ irya u-uhye nya ọgba kpehe ọlịlahị e-ekpeleji nya Ịpyị-Adịrahụ nya Ohe Oluhye, ọ kaa ju ahị ọdahile nyahị ọngịrị dudu kahị kaa chị eje nyọka ba ọhụ ẹ-ẹpwụ nya ịmayẹ ịlẹ kị wẹẹ chị́ịhị ọgụ lẹẹlẹẹ.​—Rom 8:19-21.

YẸ IFIM ỌLẸ KỌ RI JAABWỌ KÁ IGBACHỊWỤ WẸẸ WẸ, ẸHỊ NYANG A RỊRỊ Ẹ-ẸGA NYA IJISỌSỊ!​—AHỊ ỌWAWA NYA ỊPYỊ-ADỊRAHỤ NYA OHE OLUHYE Ị-ỊLAHỊ, KANỤ WẸ ỊTỌ ẸLA ILEJI ỊLẸ:

• Ányị angịnyị ehe à tị́ bwu chị ịlaa ebwo hi Ohe Oluhye, ịịyẹ à tị́ ri ocheju nya ọọwa?

• Ijuju ọlányị à tị́ juwa ị-ịlahị gbe angịlẹ wuu kị la kpẹẹkpẹẹ ẹ-ẹga nya iJihova?

• Ányị ijuju ọnyịịla ọọwa à tị́ bwu chịkpẹẹ?

• Ahị ọwawa oyina à tị́ la ẹhị ọrịrịị-rịrị gbe odehe onyeewe ọlẹ ká Ohe Oluhye myị ọnụ?