Nyọka jẹ́-ẹ ri oligu nya iJihova, angịlẹ kahị kaa mẹ ịBayịbụụ jẹ baba nyọka chụ aligu ịnyịịla. (Eje 15:1, 4) Aligu ịnyịịla ka jẹ́-ẹ daa ụbwọ nyọka họ ang ọnyịịla.​—Etu 13:20; lff ang ọjẹ́jẹ 48.

Ụka ká juwa da angịlẹ ká kaa mẹ ịBayịbụụ jẹ ụbwọ nyọka cheji ba hi aligu ịtịpyọ, ọbaba ká ka maga nyọka jẹ́ ẹla olirya nyaa. Ọhẹka ị ka juwa maga nyịlẹhị-ịlẹhị chajị kị ka hwabwọ la ọ-bịrị ụka bala aligu nyaa ilodehe. Lẹẹlẹ, a baba ká ka mẹjẹ nyori a lirya ọnyịịla ẹ-ẹga nyaa, tụ ụka kọ ri ẹnụ nya ang ọjẹ́jẹ ka wẹwẹ. A ka jẹ́-ẹ da ụpwụ du kịlaa bala ọ-wụraa bwu ifon lee ọ-jwaa ụga myị́. Jaabwọ kị wẹẹ nwà kịlahị, a ka jẹ́-ẹ wụraa kị ka wẹ kaka yẹjụla angịnyị nya Ohe Oluhye ịkịla bala ọ-bịrị ụka balaa ịnyịnyị. Ụka ká họ ịnyị, ọ-ka laa gede-gede nyori ang ịlẹ kị la lẹẹlẹẹ gụ ịlẹ kị tụụbwọ hi. (Mak 10:29, 30) Ahụ ịnyịnyị ka chị ọkẹkẹnị ụka ká yẹ nyori ugbiyegu nya iJihova wẹẹ nwà kịlahị-ịlahị.

YẸ IFIM ỌLẸ KỌ RI DA ANGỊLẸ Á KAA MẸ ỊBAYỊBỤỤ JẸ ỤBWỌ NYỌKA CHEJI BA HI ALIGU ỊTỊPYỌ, KANỤ WẸ ỊTỌ ẸLA ILEJI ỊLẸ:

• Ịyẹ à tị́ ri aligu ịtịpyọ?​—1Kọr 15:33

• Ányị Agidi à tị́ bwu kụ irya jaabwọ ká ọtụguru nya Angịnyị nya ịKịrayịsị ka la?

• Ányị Inori à tị́ bwu da Agidi ụbwọ nyọka ya aligu ịnyịịla kwiwa nya ịtịpyọ?