Ọháha ri ọja ọlẹ kọ kaa wu alugbiyegu ba awụlẹ. Kori ká ọháha á ji ugbiyegu ka aalẹ, ọ ka lujwo nyịlẹhị-ịlẹhị nya alugbiyegu ọ-ka yẹju lawụlẹ bala ọ-họ ụkụrwọ lawụlẹ. Ányị ịrụ-ịhụ, ịhụ, adịda bala ịnịna à tị́ ka bwu mẹ ọháha jẹ ẹ-ẹpwụ nya ugbiyegu?

Ọrụ-ahụ ọlẹ kọ la ọháha kaa kụ irya nya ọbaba nya ahụ nyamwụ, ọ kaa ke ụrụ wo la irya nyamwụ bala abwọlẹ ká ẹla kaa lọọ i-irya. (Efe 5:28, 29) Ọ kaa họ ọbaba nya ugbinyịrọ bala ịnya olegu nya ugbiyegu nyamwụ haa, tụ ọ-jẹ́ ang ọjẹ́jẹ nya ugbiyegu lawụlẹ ẹnụ ọlẹ kị hu nọ. (1Tim 5:8) Ahụ ọlẹ kọ la ọháha kaa kpa ịlọmwụ keji ha ọrụmwụ bala o-jwoo “ihi hiigu-hiigu ụka wuu.” (Efe 5:22, 33; 1Pit 3:1-6) Ịwa angị imimiiye ka nwụlanọ nyọka hịnyọhi hawụlẹ bwu ọkịlẹtụ nyaa wuu. (Efe 4:32) Adịda bala ịnịna ịlẹ kị la ọháha kaa hi ụka ha ọnyị nyaa ọnyọnyọọnyị bala ọ-mẹjáa nyọka la ọháha ẹ-ẹga nya iJihova. (Ehile 6:6, 7; Efe 6:4) Akama oyina à tị́ kaa chị anyị nyaa ọgụ u-ube-ụpwụ? Ányị ị tị́ kaa bwu bọhụ ụka ká aliko nyaa-á juwa kpa ẹla yẹrịraa? Ụka ká ọháha à ji nwụga ẹ-ẹpwụ nya ugbiyegu, ọng myị́ ọng nya alugbiyegu ọọwa kaa ye ewu ọ-chị ke bala ogbegbe ịnyịnyị.

YẸ IFIM ỌLẸ KỌ RI MẸ ỌHÁHA O-GBU ENYI-KA JẸ UGBIYEGU NYANG, KANỤ WẸ ỊTỌ ẸLA ILEJI ỊLẸ:

• Ányị ọrụ-ahụ ọlẹ kọ la ọháha á tị́ kaa bwu kpa ahụ nyamwụ bala ọ-chị ihi jwoo?

• Ányị ahụ ọlẹ kọ la ọháha à tị́ kaa bwu mẹ ihi okpori-kpori jẹ ẹ-ẹga nya ọrụmwụ?

• Ányị adịda bala ịnịna ịlẹ kị la ọháha à tị́ kaa bwu mẹ Omyi Ẹla nya Ohe Oluhye jẹ anyị nyaa?