Ụka kahị ka ọmwẹẹkpẹ ka lee o-juwa jẹ́ ịBayịbụụ tọ angịnyị, ahị baba nyọka da angịlẹ kị wẹẹ ke ụrụ lahị ụbwọ nyọka kpịtịya nya ahị nya ẹla. Bwula ọ-kpa ọ-chụ pwokwita gbahị nya ẹla ịịwa kpehe, ẹla nyahị ka gwaa ọ-ọkịlẹtụ, ọ tị ka chaa kpẹẹ nyọka kpịtịya nya ang ịlẹ kị jẹ.

Jaabwọ ká wẹẹ nwụlanọ gbe ọmwẹẹkpẹ ka lee ịBayịbụụ ọ-ka jẹ́ tọ ọngịnyị, yụbwọ chị ahị nya ẹla ịlẹ ká tịtọ nyọka kpa ọ-chụ pwokwita dawụlẹ, a-ala ichiche-ichiche ka. Chụ ẹla ị-chu pwokwita ịchịkpẹẹ u-uhye nya ang ịlẹ ká angịnyị kaa họ ahyẹẹnụ myị́ ahyẹẹnụ ọ-ọhịhị. (Mat 5:14-16; Mak 2:21; Luk 14:7-11) Ịnyịnyị, jẹ́ myị̀myị̀ nyọka wụlayẹ ang ọlẹ ká angịịwa kaa họ bala ẹ-ẹga ọlẹ kị bwu. (Luk 5:2-11; Jọn 4:7-15) Ụka ká yọọ juwa chị ọkẹkẹnị chajị nyọlẹ ká ahị nya ẹla ọhẹ lọọ gede-gede, ahụ ịnyịnyị ka chị ọkẹkẹnị.

YẸ IFIM ỌLẸ KỌ RI YE ỌKẸKẸNỊ ỌLẸPWỤ NYA Ọ-HỌ KÁ ANGỊKỊLA KA RI ANGỊJỤGBẸYỊ BWULA Ọ-NWÀ KỊLAHỊ​—KPA Ọ-CHỤ PWOKWITA GBA AHỊ NYA ẸLA KPEHE, KANỤ WẸ ỊTỌ ẸLA ILEJI ỊLẸ:

• Ịyẹ tị́ du ká angịlẹ kahị kaa jẹ́ ịBayịbụụ ta ka baba nya ụbwọ ọdada nyọka jẹ́ etu nya ẹla ịlẹpwụ nya ịBayịbụụ?

• Ányị Inori à tị́ kpa ọ-chụ pwokwita da ẹlịlẹhị ọlụpwụ nya Ala iRom 5:12 wụlẹ?

• Ẹlịyẹ ẹla ị-chụ pwokwita ịnyịịla ọ-kpa mẹ ang jẹ à tị ka jẹ́-ẹ họ ẹ-ẹga nya angị ke ụrụ lahị?

• Ẹ-ẹpwụ nya ẹrụ ọnyịịla ọ-kpa pyẹ nyahị, ịyẹ tị́ du kahị ka kpa ifim họ ụkụrwọ bala ang-abwọ ịkịla ịlẹ ká ogu nya iJihova họ?