IJisọsị kaa kpa oja ịlẹ kị họ kpangjẹ mẹ ang jẹ ẹ-ẹrụ ọnyịịla ọ-kpa pyẹ nyamwụ. (Luk 13:1-5) Ahụ ịnyịnyị ka jẹ́-ẹ kpa oja ịlẹ kị họ kpangjẹ dọmwụ nya ẹla oyaya nyang chajị kọ ka gu angịnyị gbịla nyọka ke ụrụ wo oja nya Ịpyị-Adịrahụ. Ụka ká ya ẹlạ u-uhye nya ang ọlịnya, ayịreji o-bwu agaga bala etiji ịnyịngịrị i-mile-mile kpoye, lee ang ịkịla ụma ịlịịwe kpá, tọ ịtọ ẹla ọ-ka gu ọngịnyị ọ-ọkịlẹtụ. À ka tọ wo myị́ yẹkẹẹ: “A me irya kahị ka jẹ́-ẹ yẹ ocheju nya. . . ?” lee “Ịyẹ a tị́ me irya kọ ka myị . . . ?” Ọọwa lẹ, a wa ịBayịbụụ ọhẹ ọlẹ kọ ya ẹla rụ́ egbeju nya ẹla ọwẹ ẹẹ. Kori ká ọngọọwa a la irya nyọka jẹ́ gụ ọwọwa, dọọ ụbwọ ka ifim ọhẹ lee ụpwụ ọhẹ bwu ẹpwụ nya Ang-abwọ Ịlẹ Kahị Kaa Kpa Mẹ Ang Jẹ. Jaabwọ kahị wẹẹ maga nyọka họ ká ẹla nyahị ka gu aloye nyahị ọ-ọkịlẹtụ wẹẹ, ahị “họ ang ịwẹ ịnyị wuu, chajị nya ịlahị ọkaka nya ẹrụ ọnyịịla ọ-kpa pyẹ” mẹ.​—1Kọr 9:22, 23.

Egbeju nya ẹla iyina a tị́ ka kpụ aloye nyang ịpyọ?