Lala angịnyị ehe ịlẹ kị la kpẹẹkpẹẹ ka, o-ri opyii kahị ka maga nyọka wu ịlọhị kpa ẹ-ẹga nya imyi nya ang ọmahi ma. Kori kahị họ ang ọle kọ háahị, iJihova á ka yehi myi ka. Ọ-chụ pwokwita, angịhyẹ kaa ya iwe da ká imyi nya ang oriri, ang ịkụrụ-kụrụ, bala ẹga onune ka gụ ọháha ọlẹ kị la ẹ-ẹga nya Ohe. Angịkịla tị́ kaa kpu imyi nya ẹga nya ọnyang lee ọlẹng ọkaka nyaa ba bwula ọ-họ ang ọlẹ kọ bịrị ehile nya Ohe Oluhye. (Rom 1:26, 27) Myị́myị́, angịkịla kaa ya iwe da aliko nyaa kaa taa tụtụtụ ka họ ang ọtịpyọ chajị ị́ tịtọ nyọka datị hyaa ka.​—Ehe 23:2.

Ányị ahị tị́ ka wu imyi nya ang ọmahị ma kpa? Ahị ka maga kahị ka họ ang ịlẹ kị kaa kpu iJihova ịpyọ. (Mat 4:4) Ịnyịnyị, ahị ka bịlẹ iJihova nyọka dahị ụbwọ kahị ka wu imyi nya ang onyobyi ọhọhọ kpa. Ịyẹ à tị́ du? Chajị ọ jẹ́ ang ọlẹ kọ há hahị bala ọ-jẹ́ jaabwọ kọ ka họ ịbaba nyahị hahị.​—Eje 145:16.

YẸ IFIM ỌLẸ KỌ RI, Á YA IWE DA KÁ ẸCHỤ ỌNWANWA A YENG LA KA, KANỤ WẸ ỊTỌ ẸLA ILEJI ỊLẸ:

• Ịyẹ à tị́ du ká angịhyẹ kaa nwa ẹchụ?

• Ịyẹ ẹchụ ọnwanwa à tị́ ka jẹ́-ẹ họng?

• Ịyẹ tị́ du ká ẹchụ ọnwanwa ụma ọnyị myị́ ọnyị tịpyọ?​—2Kọr 7:1

• Ányị a tị́ ka pwa ẹchụ ọnwanwa lee ọ-hwabwọ hyoo?