Jaabwọ kahị wẹẹ ju ocheju nya odehe ọlẹ chwẹẹ, ahị yahị guru nyori ojigi-jigi ka ji, angịnyị ọ-nwụnwụ bala ẹwụ ọdada ka ji gụ ọwọwa. (Ọwụ 6:4) Lẹ, ányị ahị tị́ ka bwu nwụlanọ gbe ẹla ịlịịwẹ ịlẹ kị ka wẹ ị-ịlahị?

• Nwụlanọ ẹ-ẹpwụ nya olegu: Jẹ́ itiwe nya ehile bala oja ịlẹpwụ nya ịBayịbụụ ịlẹ kị ka ju ahị ọdahile nyang ẹ-ẹga nya iJihova bala ogu nyamwụ ọngịrị bala ịlẹ kị ka dang ụbwọ ji oye ọhe datị ka. (Etu 12:5; jr-E 125-126 ¶23-24) Ọlẹẹlẹẹ à ri ụka ọlẹ kahị ka ju igu oriri nyahị bala aanahị ịlọjịra-jịra ọngịrị ẹẹ.​—1Pit 4:7, 8

• Nwụla ang nya ugbinyịrọ nọ: Nwụlanọ ẹ-ẹga ọlẹ á ka rụnyẹ rụ ka bala ọ-ra ang rịrị e-eji. Ịnyịnyị, nwụlanọ abwọle á ka kpịlọng be lụka nya ẹla o-bwu agaga. Kụ ẹhị yẹ ang ịlẹpwụ nya ịbang ọ-jaabwọ nya ẹla ka nyang, bala ọ-ya ang-abwọ ịlẹ ká la nyọka chewu keng bala okpoko ju ụ-ụwa. Jẹ́ jaabwọ ọlẹ á ka bwu wu angịgbahị nya ọjịra-jịra ọyị, bala abwọlẹ ị ka bwu wung ọyị ịnyịnyị. ​—Ayị. 32:2; g17.5 3-7

Lụka nya ojigi-jigi, kịnyaa ẹ-ẹpwụ nya ang nya olegu ọhọhọ. (Filip 1:10) Hwabwọ la ọ-jẹ bwu ẹgẹhẹ ka ẹga ọkịla kẹnẹ-kẹnẹ ụka ká ja jẹ nya ọ-kpịlọng be mẹ ịnyị. (Mat 10:16) Chị ang iriri bala ang-abwọ nyang ịkịla ebwo ha angịkịla​—Rom 12:13.

YẸ IFIM ỌLẸ KỌ RI, À NWỤLANỌ GBE ỤKA NYA AYỊREJI O-BWU AGAGA LẸ?, KANỤ WẸ ỊTỌ ẸLA ILEJI ỊLẸ:

• Ányị iJihova à tị́ ka jẹ́-ẹ dahị ụbwọ lụka nya ayịreji o-bwu agaga?

• Ịyẹ ahị tị́ ka họ nyọka nwụlanọ?

• Ányị ahị tị́ ka bwu da angịlẹ ká ayịreji o-bwu agaga họ ta ụbwọ?