“[IJihova] chị ọkẹkẹnị ta angịnyị nyamwụ.” (Eje 149:4) Nanana nyori áhị la kpẹẹkpẹẹ ka, iJihova kaa yẹ abwẹla ịnyịịla nyahị bala ang ịnyịịla ịlẹ kahị ka jẹ́-ẹ jụ họ myị́. Ụka ọhẹ tị wẹ, ọ ka lahị ujwo nyọka yẹ abwẹla ịnyịịla nyịlọhị myị́. Ọhẹka ahị ka yẹ ịlọhị nyori ahị nyị ju apyobwuna ka myị, ọọlajị nya abwọlẹ ká angịkịla kaa yẹhị. Lee, kori kahị ya irya nọ u-uhye nya abyị ịlẹ kahị họ kẹkpẹ, ọ-ka lahị ujwo nyọka myị nyori ahị ka jẹ́-ẹ há iJihova myị wẹẹ. Ịịyẹ à tị́ ka dahị ụbwọ kori kahị la irya ịlịịwẹ?

Kpịtịya nyori iJihova kaa yọyị kpoye nya ang ịlẹ ká angịnyị ehe kaa yẹ. (1Sam 16:7) Ọọwa mẹjẹ nyori ọ dọmwụ jẹ́ẹhị gụ ịlọhị. Ahị ji Ohe obe, chajị ịBayịbụụ dahị ụbwọ nyọka yẹ ịlọhị jaabwọ ká iJihova kaa yẹhị. Ahị ka jẹ́-ẹ yẹ ịlọhị lẹhị ọlịnyị kori kahị wa ịgba nya ịBayịbụụ bala oja ịlẹpwụ nyamwụ ịlẹ kị mẹjẹ́ẹhị jaabwọ ká anchẹ nya iJihova họ́ọ kaka ba.

YẸ IFIM ỌLẸ KỌ RI HU Ọ-JẸ́ MYỊMYỊ HA ỌKỊLẸTỤ NYANG JAHỊ DA IJIHOVA, KANỤ WẸ ỊTỌ ẸLA ILEJI ỊLẸ:

• Ịịyẹ ọ-chụ pwokwita nya ọngọ rụnyẹ bala adamwụ à tị́ mẹjẹ́ẹhị u-uhye nya abwọlẹ ka iJihova kaa yẹhị?

  Ọwẹwẹ nyang

• Kori ká ọngọlẹ kọ họ ọhọbịrị ọlẹ kọ tịpyọ lụmẹ á hu ẹta-ẹdịyẹ nyọka nwụ igu nyamwụ bala iJihova rịrị lẹ, ányị ọ tị́ ka bwu hu ọ-jẹ́ myịmyị ha ọkịlẹtụ nyamwụ jahị da Ohe Oluhye?—1Jọn 3:19, 20

  Ọwẹwẹ nyang

• Ányị ọọnahị ọlẹng ọwẹ à tị́ ye apyobwuna nyọlẹ kọ wa bala ọ-kụ irya kpori-kpori ju oja nya iDevidi bala iJehochafatị?

  Ọwẹwẹ nyang