HỊHỊ LALA ANGỊNYỊ NYA ỊKỊRAYỊSỊ
Chewu Ke Ịlọng Bwu Ẹga nya Angị Ji Ẹkpẹ da Ogu
Olegu Onyobyi bala alakpa nyamwụ kaa ya ọnọọkịla kpịla la ẹlịlẹhị nyọka họ ká ọmyịmyị nyahị ka la dẹwụ-dẹwụ. (2Kọr 11:3) Ọ-chụ pwokwita, ala Asiriya kpa ẹla ọlẹ kọ ri ẹlịlẹhị kpẹẹ ka bala ọnọọkịla họ ká ọkịlẹtụ kpa angịnyị nya iJihova enyi. (2Ego 32:10-15) Alẹ, angị ji ẹkpẹ da ogu kaa kpa agbẹyị ịlịịwẹ họ ụkụrwọ ịnyịnyị. Ányị ahị tị́ ka họ ẹ-ẹga nya ọmẹjẹ nya angị ji ẹkpẹ da ogu? Yẹ ọmẹjẹ nyaa ịịwa lala ẹhwa! Á wa apwụ nyaa ẹnẹnẹhẹ ka, á waa ẹla lee ọ-kpa ọmẹjẹ nyaa pyẹ ka. Cheji ba hi ẹla ọhẹ-lọhẹ nyaa ọlẹ kọ ka kpa ịwẹẹ ọdada wẹ ọkịlẹtụ nyang u-uhye nya iJihova bala ogu nyamwụ ahyaahị bala ọ-pwa jwaa!—IJud 3, 4.
YẸ IFIM ỌLẸ KỌ RI “MA UYA LA ỌNGỊRỊ-ỌNGỊRỊ CHAJỊ NYA ỌMYỊMYỊ”!—ỤPA OCHICHE, KANỤ WẸ ỊTỌ ẸLA ILEJI ỊLẸ:
-
Ịyẹ tị́ du kahị ka yẹ ẹhị reeji kori kahị kaa kpa intanẹtị họ ụkụrwọ?
-
Ányị ahị tị́ ka bwu ba ọmẹjẹ ọlẹ kọ juwa ụ-ụpwụ nya Ala iRom 16:17 jẹ?
