Ịyẹ à tị́ ri ịBayịbụụ ọlẹ kị kịlaju? ỊBayịbụụ ọlẹ kị kịlaju ri New World Translation ọlẹ kị nwụhọ. Ịịwẹ gbaa kpehe dụmwọ-dụmwọ la òja lụmẹ-lụmẹ jaabwọ kọ chịkpẹẹ kaka ba. Ịngịhyẹ ọlẹ kọ há lụmẹ u-uhye nya ịBayịbụụ ọlẹ kị kịlaju ọwẹ ri, ị kpa ọkọ nya angịnyị ịdatị-datị ku ọmwakpa nya ọngọngọọng̣ ọlẹ kọ juwa ịBayịbụụ. Ị wa omyi ẹla ịịwa la omyi bala ụgbẹyị ọlẹ kọ ka gba etu nya ẹla ọla ịBayịbụụ kpehe yẹẹyẹẹ.

Ányị angịhyẹ à tị́ wẹẹ yé apyobwuna bwu ịBayịbụụ ọlẹ kị kịlaju? ỊBayịbụụ ọlẹ kị kịlaju kaa há iru nya angịlẹ kị kaa ke ụrụ lọọ ụka wuu, chajị ọ-kaa laa lala o-ri ị ja wo ẹla bwu ọnụ nya angị ịlẹpwụ nya ịBayịbụụ. Ị yẹ nyori nyọlẹ kị kaa wo omyi nya angịnyị ịdatị-datị ịwẹ wẹẹ, ọọwa kaa daa ụbwọ kpa irya nyaa yẹ iwe-ahụrụ ịla ịBayịbụụ gụ ọwọwa bala o-wo etu nya ẹla ọlẹ kị da gede-gede. (Etu 4:5) Iru nya angịkịla yẹ nyori ọ-ke ụrụ la ịBayịbụụ ọlẹ kị kịlaju kaa ya okpunyi nya ọkịlẹtụ haa ụka kị juwa me imahị—Eje 94:19.

Ọ-ka wo kị juwa wa Omyi Ẹla nya Ohe Oluhye gboo ka jẹ́-ẹ ju apyobwuna hahị yẹẹyẹẹ. (2Ego 34:19-21) Kori ká ịBayịbụụ ọlẹ kị kịlaju a ji lẹpwụ-lẹpwụ lee ụpa ọhẹ la òja ọlẹ ka wo, ọ-ka chịkpẹẹ hang nyọka hwoo nya ọhọhọ nyang nyọka ke ụrụ lọọ ụka myị́ ụka?

YẸ IFIM ỌLẸ KỌ RI JAABWỌ KỊ BWU HỌ ỊBAYỊBỤỤ ỌLẸ KỊ KỊLAJU—ỤPA OCHICHE, KANỤ WẸ ITỌ ẸLA OLEJI ỌLẸ:

Ịịyẹ à tị́ myịng lẹhị u-uhye nya abwọlẹ kị họ ịBayịbụụ ọlẹ kị kịlaju?