Ụka nya oja ojaja bala angịkịla à ri ụgbẹyị ọhẹ lẹpwụ nya agbẹyị ịlẹ kị kpịpyọ bala ọ-há gụ wuu nyọka kpa ya ẹrụ ọnyịịla lẹ. Ma, ahị ka chuko myị ụka kahị kụ irya nyọka dọmwụ nya ẹla oyaya bala angịnyị, kori kahị ya irya nịrọ abwọlẹ kahị ka ya ẹla bwu ịBayịbụụ jene. Ọkọkọ nyọka chuko lụmẹ u-uhye nya ẹla ọlẹ ká ka ya ẹ-ẹrụ ọnyịịla je ọngịnyị, ya irya nịrọ u-uhye nya abwọlẹ ká ka mẹjẹ nyori a kpa ọbaba nya ọngọọwa i-irya. (Mat 22:39; Filip 2:4) Kori ká yé iwe nyọka ya ẹla rụ ọmyịmyị nyang ụka kanụ juwa kpa oja ja aalẹ, a la ang-abwọ lụmẹ-lụmẹ ịlẹ kị ka dang ụbwọ.

Ányị ang-abwọ ịlẹ à tị́ ka dang ụbwọ ya ẹrụ ọnyịiḷa u-uhye nya ẹhị nya ẹla ọlẹ kọ kpehe ụka kanụ juwa ja oja?

YẸ IFIM ỌLẸ KỌ RI “OJE-OJE ỊỊ KPA KPILA AWỤLẸ LẸ”—DỌMWỤ NYA ẸLA OYAYA Ụ-ỤGBẸYỊ ỌNYỊỊLA, KANỤ WẸ ỊTỌ ẸLA OLEJI ỌLẸ:

Ụbẹẹtụ nya ẹla ịta iyina à tị́ ka dahị ụbwọ nyọka nwụ ụgbẹyị ọlẹ kahị ka kpa ya ẹla ta angịnyị rịrị gụ ọwọwa?