Ọ́ kaa lahị ẹbyẹbyị ụka ká okpoko a gamwụ bwu ẹpwụma ọhẹ ka ọkịla ọọlajị nya iwe-ahụrụ ịlẹ kị jam họ odehe ka. Ịyẹ à tị́ du? Chajị ahị jam hịhị ụ-ụka ocheju-eju nya ahyẹẹnụ ohyẹẹkpẹ, ịBayịbụụ tị gbịlẹhị ụbwọ ụrụ nyori ahị nyị ya ẹhị ọrịrị nyahị nịrọ “ụdụ nya odehe ọlẹ kọ kaa juwa pyịyọọ ka lẹ ka.” (1Tim 6:17; 2Tim 3:1) Ịịyẹ oja nya Adịrahụ iJehochafatị à tị́ mẹjẹ́ẹhị u-uhye nyahị ọ-ka nwụlanọ gbe ụka nya okpoko ọ-gamwụ?

Ụka ká ẹpwụma aluji nyaa juwa ba ẹla taa, iJehochafatị dahịhile iJihova. (2Ego 20:9-12) Ọ myịmyị nwụlanọ bwula ọ-họ ang ịlẹ kọ ka jụ họ myị, ọ me egwalọ dada ju epweji bala ọ-nwụla angịdẹwụ nọ. (2Ego 17:1, 2, 12, 13) Lala iJehochafatị, ọ-chịla kahị ka dahịhile iJihova bala ọ-họ ọlẹ kahị ka jụ họ nyọka nwụlanọ gbe ụka ọnyaa-nyaa.

YẸ IFIM ỌLẸ KỌ RI À NWỤLANỌ GBE ỤKA NYA AYỊREJI O-BWU AGAGA LẸ? KANỤ WẸ ỊTỌ ẸLA ILEJI ỊLẸ:

• Ịịyẹ ọngọngọọng nyahị à tị́ ka jẹ́-ẹ jụ họ nyọka nwụlanọ gbe ayịreji o-bwu agaga?

  Ọwẹwẹ nyang

• Ányị ahị tị́ ka bwu nwụlanọ nyọka da angịkịla ụbwọ?

  Ọwẹwẹ nyang