Ene á ka chị eje nya ẹla, kori o-ri ẹla ọtụka lee ẹla ochiche wẹwẹ, à kaa tịlọng wo nyori, ‘Ányị à tị́ ri irya nya iJihova?’ Ịlẹhị lẹ, ẹ-ẹla myị́ ẹla ọla irya nya iJihova ahị ka jẹ́ wuu myị́ ka, ma ọ tị́ mẹ ẹla lụmẹ-lụmẹ jẹ́ẹhị ẹ-ẹpwụ nya Ụpwụ Ịgọgọ ọlẹ kọ́ ka jẹ́-ẹ dahị ụbwọ nyọka họ “ụkụrwọ ọnyịịla ọnyị myị́ ọnyị.” (2Ti 3:16, 17; Ro 11:33, 34) IJisọsị jẹ́ irya nya iJihova myị̀myị̀, ọwa ọ tị kaa hu kụ́ ịlahị ẹ-ẹpwụ nya ọhịhị nyamwụ lẹ. (Jọn 4:34) Ahị ka gbịla iJisọsị ịnyịnyị bwula ọ-maga nyịlẹhị-ịlẹhị nyọka chị eje ịlẹ kị́ ka kpụ iJihova ịpyọ.—Jọn 8:28, 29; Efe 5:15-17.

YẸ IFIM ỌLẸ KỌ RI, KỊNYAA JUWA JẸ́ ẸLA ỌLA IRYA NYA IJIHOVA (LI 19:18), KÁ WẸ ỊTỌ ẸLA ILEJI ỊLẸ:

• Ịyẹ tị́ du kọ́ baba káhị ka kpa ẹla ọla ịBayịbụụ họ ụkụrwọ?

• Ẹla ọla ịBayịbụụ oyina ahị tị́ ka kpa họ ụkụrwọ ẹ-ẹga nya eje omwumwu bala ang odudu?

• Ẹla ọla ịBayịbụụ oyina ahị tị́ ka kpa họ ụkụrwọ ẹ-ẹga nya ang ọkụrụ-kụrụ nyahị bala abwọlẹ káhị kaa bwu kpịlọhị?

• Ẹga ọkịla oyina à tị́ myị́myị́ baba káhị ka kpa ẹla ọla ịBayịbụụ họ ụkụrwọ ẹ-ẹpwụ nya ọhịhị nyahị?

• Ányị ahị tị́ ka bwu nwà kịlahị-ịlahị ẹ-ẹga nyọka jẹ́ ẹla ọlẹ ká iJihova tịtọ káhị ka họ?