Ẹ-ẹpwụ nya Ọya Ohikichu, ahị ka họ ụkụrwọ lọngịrị-ọngịrị nyọka mẹjẹ angịnyị nyori Ịpyị-Adịrahụ nya Ohe Oluhye ụbwọọmwụ a ka jẹ́-ẹ chị akama nya angịnyị ehe eju myị lẹ. (Mat 24:14) Ányị a tị́ ka bwu lụbwọ ẹ-ẹpwụ nya ụkụrwọ ọwẹ? Wa ịBayịbụụ ọlẹ kọ ya ẹla rụ́ Ịpyị-Adịrahụ nya Ohe Oluhye je iru nya angịnyị jaabwọ ká ka jụ họ kaka ba myị ẹ-ẹpwụ nya ọya ọwẹ. Kori ká ọngịnyị a la irya nyọka jẹ́ gụ ọọwa, ya ụpwụ nya Ẹpwang ọ-Kụ Gbeji No. 2 2020 ịnya alụma ha ọngọọwa. Ká maga nyọka ju ọngọọwa ụga ahyaahị bala ọ-maga nyọka dọmwụ nya ịBayịbụụ ọjẹ́jẹ balọọ la ụpwụ nya Chị Ọkẹkẹnị Gboyi Myị́ Oyi! ochiche. Angịlẹ wuu kị ka chịchịịchị ye ịlahị nya ụgbẹyị la Ọya Ohikichu ka chụ nyọka họ awa 15 lee 30 myị.

Ịpyị-Adịrahụ nya Ohe Oluhye ka ta eji ọkpakpa ịlẹ kị chẹkpẹ jwoo ka ayịreji wuu lụka o-kpii. (Dan 2:44; 1Kọr 15:24, 25) Lẹ, ahị myị́ ka ẹrụ ọnyịịla ọ-kpa pyẹ ọdatị ọlẹ a dahị ụbwọ nyọka mẹjẹ nyori ahị chẹkpẹ ju Ịpyị-Adịrahụ nya Ohe Oluhye mẹ!