HỊHỊ LALA ANGỊNYỊ NYA ỊKỊRAYỊSỊ
Gbịla Ọháha o-Gbu Enyi-ka nya IJihova
IJihova á kaa mẹ ọháha o-gbu enyi-ka jẹ gụ wuu lẹ. (Eje 103:11) Ọháha ọọwa à ri ẹla ọ-ba i-ijata lee ẹla ọ-ba ugbọnụ ka. Ọháha o-gbu enyi-ka ri ọháha okpori-kpori, ọ ri ọlẹ kọ ka godayị giri-giri. IJihova mẹ abwẹla ọwẹ jẹ ẹ-ẹga nya ala Isirẹlụ angịnyị nyamwụ a-agbẹyị lụmẹ-lụmẹ. Ọ gbaa kpehe bwu ọpyị nya ọnyọhị Ijipiti bala ọ-kpaa ká Ọpyị Ọlẹ Kọ Myọnụ haa. (Eje 105:42-44) Ọ ma uya yẹ angịnyị nyamwụ dada bala ọhịnyọhi ịhọbịrị nyaa ụka lụme-lụmẹ. (Eje 107:19, 20) Jaabwọ kahị wẹẹ “me irya ju ọháha o-gbu enyi-ka nya [iJihova] ọlẹga nyahị,” ọọwa ka guhi gbịla nyọka gbịlọọ.—Eje 107:43.
YẸ IFIM ỌLẸ KỌ RI KPỊTỊYA NYA “ỌHÁHA O-GBU ENYI-KA” NYA IJIHOVA ỤKA WUU, KANỤ WẸ ỊTỌ ẸLA ILEJI ỊLẸ:
-
A-agbẹyị iyina ahị tị́ ka jẹ́-ẹ mẹ ọháha o-gbu enyi-ka jẹ?
-
Ịyẹ tị́ du ká ọháha o-gbu enyi-ka ọ-ka mẹjẹ ju iya ọkịlaakịla ẹ-ẹpwụ?
