HỊHỊ LALA ANGỊNYỊ NYA ỊKỊRAYỊSỊ
‘Kpa Ehile Ma Uya Chẹkpẹ Ju’ Ẹrụ Ọnyịịla
Ụka ká angị tụ ala Isirẹlụ pyịpyị maga nyọka hwaabwọ hi ụkụrwọ nya ube ịgọgọ omeme, angị nwụ́ ube họ ang ọlẹ kị ka jụ họ myị chajị kị ka ye ụpwụ nya ehile ọlẹ kọ ka ya ẹga da haa nyọka họ ụkụrwọ ọọwa. (Ẹsịr 5:17) Ụ-ụgbẹyị ọlịnyịnyị, Angịnyị nya ịKịrayịsị alẹ kaa kpa ehile ma uya chẹkpẹ ju ẹrụ ọnyịịla. (Filip 1:7) Nyọka jẹ́-ẹ họ ịnyị, ị ya Ebwo nya Angị La Eje yeji e-Egbeju-ẹpwa nya Odehe Wuu bwu ẹka nya 1936. Alẹ, Ebwo nya Angị La Eje Ọla Egbeju-ẹpwa nya Odehe Wuu nyahị a kaa kpa ịlahị nyọka chewu ke ụkụrwọ nya Ịpyị-Adịrahụ u-uhye nya ẹla nya ehile chị odehe ọnụ wuu lẹ. Ányị ebwo ọwẹ à tị́ kaa da ụkụrwọ nya Ịpyị-Adịrahụ ụbwọ? Ányị angịnyị nya Ohe Oluhye à tị́ kaa bwu yé apyobwuna bwula ọọwa?
YẸ IFIM ỌLẸ KỌ RI OJA NYA ỤKỤRWỌ NYA EBWO NYA ANGỊ LA EJE ỌLA EGBEJU-ẸPWA NYA ODEHE WUU, KANỤ WẸ ỊTỌ ẸLA ILEJI ỊLẸ:
-
Akama nya eje ọlala iyina Alibeenu nya iJihova à tị́ kaa la?
-
Ọkụrụ-kụrụ nya eje ọlala iyina ị tị́ la? Ya ọ-chụ pwokwita ọhẹ wẹẹ
-
Ụpa oyina ahị tị́ ka la ẹ-ẹpwụ nya ‘ọ-kpa ehile ma uya chẹkpẹ ju’ ẹrụ ọnyịịla?
