Ẹla ọlẹ kọ họ ta ala Isirẹlụ ọ-ọkpọọ nya ọpyị nya ala iMowabụ ri ọgụ-ẹpẹtẹ nya ụbwọ o-gbile ụ-ụrụ ha Angịnyị nya ịKịrayịsị. (1Kọr 10:6, 8, 11) Ala Isirẹlụ ịlẹ kị dọmwụ nyọka ju ogu ta anyang nya ala iMowabụ ị-la abwẹla nya ụya ọhọhọ bala ijiga ịkpụkpụ, ị mwaaju dudu kị họ ọhọbịrị ọtụka-ọtụka. Ọọwa tị́ kpa ocheju ọtịpyọ weji ịnyịnyị. (Ọwa 25:9) Ahị la alụkụrwọ, alube-ụpwụ, aloye-ẹpwa nyahị, bala alugbiyegu nyahị ịlẹ kị dakoko juhi kị tị kaa gbịgba ha iJihova ka. Ẹlịyẹ ahị tị́ ka jẹ́ bwu ịBayịbụụ ọwẹ u-uhye nya ang oluhi-uhi ọlẹ kọ juwa ẹ-ẹpwụ nyọka ju ogu ta angịlẹ kị kaa gbịgba ha iJihova ka?

YẸ IFIM ỌLẸ KỌ RI, ỌGỤ-ẸPẸTẸ ỊLẸ KỊ RI ỤBWỌ O-GBILE Ụ-ỤRỤ HAHỊ ALẸ​—ỤPA OCHICHE, KANỤ WẸ ỊTỌ ẸLA ILEJI ỊLẸ:

• Irya ịtịpyọ iyina iSimri bala angịkịla à tị́ ju ịJamin?

• Ányị iFinihasị à tị́ bwu da ịJamin ụbwọ nyọka la irya ọkpakpa u-uhye nya ala ịịwa?

• Ịyẹ à tị́ ri ọdatị nyọka la irya ọnyịịla ẹ-ẹga nya ọngọ gbịgba ha iJihova ka bala ọ-ka ri igu ta ọngọlịnyị?

• Ịịyẹ tị́ du kahị ka dụmwọ-dụmwọ ẹ-ẹga nya aligu ịlẹ kahị ka chụ kori kọ dọmwụ ri ẹpwụ nya ọjịra-jịra wẹwẹ?

• Ịịyẹ tị́ du kahị ka cheji ba hi ọ-ka ju ogu ta angịlẹ kahị jẹ́ ẹ-ẹhị ka bwu intanẹtị ị-kpa joja?