IKora, ịDatan bala Abiram mẹ olegu nya ịlaa ọ-kpa keji ka jẹ ẹ-ẹga nya iJihova bwula ọ-la egbeju ọngịrị jahị da obyi omeme nyamwụ. IJihova ta angịlẹ kị la egbeju ọngịrị ayịreji tụ́ ọng myị́ ọng ọlẹ kọ chẹkpẹ jwaa. (Ọwa 16:26, 27, 31-33) Iwe-ahụrụ ụma ọlányị à tị́ ka jẹ́-ẹ mahị yẹ ẹ-ẹga nya ịlọhị ọ-kpa keji ha iJihova? Ọgụ-ẹpẹtẹ iyina ẹ-ẹpwụ nya ịBayịbụụ à tị́ ka jẹ́-ẹ dahị ụbwọ chajị kahị ka cheji ba hi ọ-ka gbịla angịlẹ kị myị kpịlaa keji ka?

YẸ IFIM ỌLẸ KỌ RI Á GBỊLẸ ANGỊ MYỊ KPỊLAA KEJI KA LẸKA, KANỤ WẸ ỊTỌ ẸLA ILEJI ỊLẸ:

• Iwe-ahụrụ ọlányị à tị́ ma Nadia yẹ? Ọgụ-ẹpẹtẹ oyina à tị́ dọọ ụbwọ nyọka mẹ olegu nya ịlọmwụ ọ-kpa keji jẹ?

• Iwe-ahụrụ ọlányị à tị́ ma ọọnahị ọlẹ ká ẹla wẹẹ wọọ ẹjẹ yẹ? Ọgụ-ẹpẹtẹ oyina à tị́ dọọ ụbwọ nyọka mẹ olegu nya ịlọmwụ ọ-kpa keji jẹ?

• Iwe-ahụrụ ọlányị à tị́ ma Terrance yẹ? Ọgụ-ẹpẹtẹ oyina à tị́ dọọ ụbwọ nyọka mẹ olegu nya ịlọmwụ ọ-kpa keji jẹ?

• Iwe-ahụrụ ọlányị à tị́ ma ọọnahị ọlẹng ọhẹ yẹ u-ube-ẹpwụ? Ọgụ-ẹpẹtẹ oyina à tị́ dọọ ụbwọ nyọka mẹ olegu nya ịlọmwụ ọ-kpa keji jẹ?