IDevidi kụrụ iGolayatị myị́ chajị ọ kpụnịrọ iJihova. (1Sam 17:45) IJihova ṭitọ nyọka mẹ ọngịrị nyamwụ jẹ wọnụ nya anche nyamwụ wuu ju. (2Ego 16:9) Ányị ahị tị́ ka jẹ́-ẹ bwu kpụnịrọ ụbwọ ọdada o-bwu ẹga nya iJihova ọkọkọ nya ẹla ọjẹ́jẹ bala ọngịrị nyịlọhị? Ahị yẹ agbẹyị ịta ịlẹ wẹẹ:

• Raabwọ ụka myị́ ụka. Á raabwọ bịlẹ iJihova nyọka hịnyọhi hang ụka ká họ ọhọbịrị kpá kem ka, ma nyọka jẹ́-ẹ lọngịrị kụrụ ịmayẹ ịnyịnyị. (Mat 6:12, 13) Á raabwọ bịlẹ iJihova nyọka wahị kụrụ eje ịlẹ ká chị kpá ene lẹ kem ka, ma bịlẹ ụgbẹyị ọkpakpa bala ẹla ọjẹ́jẹ nyamwụ ene á ka chị eje ịnyịnyị.​—Jem 1:5

• Hu ịBayịbụụ ọwawa bala ọjẹ́jẹ nya ang ọlẹ á ka họ ụka myị́ ụka. Wa ịBayịbụụ ẹnụ myị́ ẹnụ. (Eje 1:2) Kụ irya ju ọgụ-ẹpẹtẹ ịla ịBayịbụụ, bala ọ-kpẹhị nya ẹla ịlẹ ka jẹ́ họ ụkụrwọ. (Jem 1:23-25) Nwụlanọ gbe ẹrụ ọnyịịla ọ-kpa pyẹ ọkọkọ nyọka kpụnịrọ ẹla ọjẹ́jẹ nyịlọng. A ka ye apyobwuna yẹẹyẹẹ bwu ọjịra-jịra bwula ọ-nwụlanọ gbe ọjịra-jịra.

• Ke ụrụ la ogu nya iJihova. Maga ká jẹ́ ẹla ịmẹjẹ inyeewe ịlẹ kị kaa bwu ẹpwụ nya ogu ụka wuu, ká baa jẹ la ọ-họ atịmẹ ka. (Ọwa 9:17) Ke ụrụ la angịbahị nya ọjịra-jịra ụka kị yalibyi lang bala ụka kị mẹ ẹla jẹ́ng.​—Hib 13:17

YẸ IFIM ỌLẸ KỌ RI ÁHỊ BABA NYỌKA JU UHI NYA ỌTỤPYỊPYỊ KA, KANỤ WẸ ỊTỌ ẸLA ILEJI ỊLẸ:

• Ịyẹ a tị́ ri uhi-uhi nya aanahị alẹng bala anyang ịwẹ?

• Ịyẹ a tị́ daa ụbwọ kụrụ uhi-uhi nyaa myị?