Ọya Ohene 1-7
EJE ỌNYỊỊLA 23-25
Eje 4 Bala Abwọ Ọrịrị | Ẹla ọ-Kpa Wụrụ Ọjịra-jịra (Iminiti 1)
1. “[IJihova] Ri Ọngọgbem Lala Ọngọgbikpịlọ”
(Iminiti 10)
IJihova kaa kpahị ụgbẹyị (Eje. 23:1-3; w11 5/1 31 ¶3)
IJihova kaa chewu keehi (Eje. 23:4; w11 5/1 31 ¶4)
IJihova kaa ya ang oriri hahị (Eje. 23:5; w11 5/1 31 ¶5)
IJihova kaa kpahị ju anchẹ nyamwụ jaabwọ ká ọngọgbikpịlọ ọnyịịla kaa kpẹhị rịrị ịkpịlọ nyamwụ.
TỊLỌNG WO WẸẸ, ‘Ányị iJihova à tịị́ kpẹhị rịrịm kpangga?’
2. Ang Ụdụ nya Olegu
(Iminiti 10)
-
Eje. 23:3—Ịyẹ à tị́ ri “ụgbẹyị ọnyịịla?” Ịyẹ à tị́ ka dahị ụbwọ kahị ka pẹ ọgụ rụ hi ụgbẹyị ọwẹ ka? (w11 2/15 24 ¶1-3)
-
Ẹla i-ju apyobwuna iyina a tị́ jẹ́ bwu ịBayịbụụ ọwawa ya epwihi ọlẹ?
3. ỊBayịbụụ Ọwawa
(Iminiti 4) Eje. 23:1–24:10 (th ang ọjẹ́jẹ 5)
4. Dọmwụ nya Ẹla Oyaya ụ-Ụgbẹyị Ọnyịịla
(Iminiti 3) ẸLA OHE OYAYA LỤKA Ọ-KPAHỊ JU KA. Wa ịBayịbụụ ọhẹ ọlẹ kọ ka ju ọngịnyị ọhụ kori kọ ya ọwa nyị wẹẹ chị uko u-uhye nya abwọlẹ ká angịnyị ehe wẹẹ bịrị odehe ọlẹ. (lmd ang ọjẹ́jẹ 2 ẹhị nya ẹla 5)
5. Kpa Ang Ọjẹ́jẹ Kịlahị
(Iminiti 4) BWU ẸPWA KA ẸPWA. Mẹjẹ ọngọhẹ ọlẹ kọ ye ụpwụ nya Chị Ọkẹkẹnị Gboyi Myị́ Oyi! ochiche jaabwọ kahị kaa bwu jẹ́ ịBayịbụụ. (lmd ang ọjẹ́jẹ 9 ẹhị nya ẹla 3)
6. Da Angịkịla Ụbwọ Nyọka Ri Angịjụgbẹyị
Eje 54
7. Áhị Ke Ụrụ Wo La Omyi nya Ọngga Ka
((Iminiti 15) Ẹla o-ya lawụlẹ.
Ịkpịlọ ịlam kaa jẹ́ omyi nya ọngọ kpaa ri bala ọ-kaa dịrọọ. Ma ụpa ọkịla tị, ị kaa rụnyẹ rụ hi ọngga ọlẹ kị jẹ́ ka. (Jọn 10:5) Ịnyịnyị, ahị ka ke ụrụ la omyi nya iJihova bala iJisọsị angị gbehi lala angịgbikpịlọ nya olegu ịlẹ kị la ọháha bala o-ju ọ-dahịhile. (Eje. 23:1; Jọn 10:11) Ahị tị kaa pwa la ọ-ka ba omyi nya angga jẹ chajị ị kaa họ ká ọmyịmyị nyahị ka la dẹwụ-dẹwụ bwula “ịnịịkịla” ọ-kpa hyoma.—2Pit 2:1, 3.
Ọmwụ Ọdada egbeju ịta chabwọ nya ụka ọhọhẹ ọlẹ kị wo omyi nya ọngga am odehe ọlẹ. Olegu Onyobyi á ya jẹ Iivu ọngọlẹ kọ ri kpangga ka, bwula ọọwa ọ-dọọ lụgbaa. Ọ wẹ ẹga nyamwụ lala oligu, ọọwa ọ me ọnọọkịla jwoo u-uhye nya omyi ẹla bala irya nya iJihova lẹlẹ. Ọtịpyọ nyọlẹ ká Iivu ke ụrụ lọọ, chajị ọọwa du kọ kpa akama ọtụka-ọtụka wẹ ịlọmwụ bala alugbiyegu nyamwụ.
Alẹ, Olegu Onyobyi kaa maga kahị ka la ịwẹẹ ọdada u-uhye nya iJihova bala ogu nyamwụ, bwụla ọ-kpa oja ịtịpyọ, ẹla ị-la kpakpa ka, bala ịnịịkịla pyẹ. Ụka kahị wo omyi nya ọngga, ahị ka rụnyẹ rụ ahyaahị! Ọ ka ke ụrụ pyịnyẹng dọmwụ lee o-wo ịhụ-ala ịlịnyị luhi-uhi. Omyi ẹla ịmanyị Olegu Onyobyi à tị́ kpa da Iivu lụgbaa ụka kị wẹẹ joja lawụlẹ? (Ọmwụ 3:1, 4, 5) Kori ká ọngọhẹ ọlẹ kahị jẹ́, kahị họọ́, kọ tị lirya ọnyịịla ẹ-ẹga nyahị à tịtọ nyọka kpa oja nya ọnọọkịla pyẹ ya jehi u-uhye nya ogu nya iJihova bẹẹ?
Mẹ IFIM ọwẹ jẹ Á Ke Ụrụ Wo La “Omyi nya Ọngga” Ka. Ká tọ alọjịra-jịra wo:
Ẹlịyẹ a tị́ jẹ́ bwu ụgbẹyị ọlẹ ká Agidi kaa wẹ ịnamwụ ẹla ụka myị́ ụka kọ tịtọ nyọka ya ẹla ịtịpyọ ịlẹ kọ wo u-uhye nya Alibeenu nya iJihova?
8. ỊBayịbụụ Ọjẹ́jẹ nya Ọjịra-jịra
(Iminiti 30) bt egbeju 8 ¶1-4, akpa ịla ẹbẹ 61-62
