ANG ODUDU ỌLẸ KỌ́ BABA: Angịnyị lụmẹ-lụmẹ ịlẹ kị kpu idu á jẹ́-ẹ dagba ẹ-ẹga nya ọngọlẹ kị jẹ́ ka lẹka. Lẹẹlẹ, ọbaba nyọka kpa ijẹẹhị ya Ela nya Ohe ju angịlịnyị. IJihova kaa mẹ ọháha jẹ alidu. (Liv 19:14) Ahị ka ba ọgụ-ẹpẹtẹ nyamwụ jẹ ịnyịnyị, bwula ọ-ka yụbwọ kpa ịlọhị ọ-ọkịlẹtụ nyọka da alidu ụbwọ la ang oriri nya olegu.

JAABWỌ ÁHỊ KA BWU HỌ ỊNYỊ:

• “Tịtọ” nya alidu. (Mat 10:11) À jẹ ugbiyegu ọhẹ ọlẹ ká ọngọhẹ nyaa kpu idu? Ị la ube-ẹpwụ, ẹpwa ọ-kpẹhị rịrị alidu lee ẹga ọlịnyị ọkịla ọhẹ o-oye nyang?

• Mẹjẹ nyori á kpaa i-irya. Ụka kahị maga nyọka waa igu bala ọ-mẹjẹ nyori ahị kpahị jwaa, ọ ka da alidu ụbwọ nyọka yehi myị. Maga nyọka dọmwụ nya ẹla oyaya balaa u-uhye nya egbeju nya ẹla ịlẹ kị kaa kpụ aloye nyang ịpyọ.

• Daa ụbwọ la ang nya olegu. Nyọka da angịlẹ kị kpu idu lee ọ-jẹ́ yọyị yẹẹyẹẹ ka ụbwọ, ogu ọlẹ họ apwụ ụma datị-datị chajị nyaa. Tọ ọngọọwa wo jaabwọ kọ họ́ọ kọ ka jẹ́ ang. Ọngọ kpẹhị riri ẹrụ ọnyịịla ọ-kpa pyẹ ka jẹ myị̀myị̀ nyori ọngọ kpẹhị rịrị apwụ ọọjịra-jịra ka da ụpwụ chajị kị ka ya apwụ nya alidu ụma ịdatị-datị du warị.