Ẹka ọnyị myị́ ọnyị wuu ahị kaa maga yẹẹyẹẹ nyọka wụrụ angịlẹ kị kụ o-oye nyahị nyọka yẹju lahị ọọ-họ kpa kpịtịya nya igu nya iJisọsị. Angịhyẹ nyaa lụmẹ-lụmẹ ri angịlẹ káhị jẹ ka. Ahị kaa wụrụ angịlẹ kahị jẹ ịnyịnyị. Angịhyẹ ịlẹ kịị ye ụpwụ ọ-kpa wụrụ angịnyị bwu ẹga nya angịlẹ kị jẹ, ka wẹ myị́. (yb08 11 ¶3; 14 ¶1) Oowo anyị à tị́ ká jẹ́-ẹ wụrụ myị́?

• Alugbeyigu nyang

• Alụkụrwọ nyang lee alube-ẹpwụ nyang

• Aloye-ẹpwa nyang

• Angị ri ọmwẹẹkpẹ ka nyang lẹẹlẹẹ lee inyogo bala angịlẹ á kaa jẹ ịBayịbụụ ta

Ịnyịnyị, angịgbahị nya ọjịra-jịra ka wụrụ angịlẹ kị chị doodoo ẹ-ẹpwụ nya ang nya olegu. Kori ká ọngọlẹ ká jẹ á kụ oye-ẹpwa nyang ka bee? À kạ jẹ́-ẹ mwahị nya ụka bala ẹga ọlẹ kị juwa họ ọ-Họ Kpa Kpịtịya nya Igu nya iJisọsị o-oye ọlẹ ká ọngọọwa ku bwula o-ya ụbwọ ba U-UHYE NYAHỊ ịị jw.org ịwẹbsayịtị, ká chụ “ọ-Họ Kpa Kpịtịya nya Igu nya iJisọsị” mẹ. Jaabwọ ọlẹ ká wẹẹ nwụlanọ gbee ọ-họ kpa kpịtịya nya igu nya iJisọsị nya ẹka ọlẹ, kụ irya nya angịlẹ ká ka jẹ́-ẹ wụrụ, ká dịraa warị.