Aanahị anyang kaa tubwu yi ụkụrwọ nya Ịpyị-adịrahụ yẹẹyẹẹ. (Eje 68:11) Ị la angịnyị lụmẹ-lụmẹ kị kaa mẹ ịBayịbụụ jẹ ẹ-ẹpwa. Iru nya angị ye ịlahị nya ụgbẹyị lụmẹ-lụmẹ ri aanahị anyang. Ụnụnụụnọ nya aanahị anyang kaa họ ụkụrwọ yẹẹyẹẹ ị-ịBẹtẹlụ, ị ri angị kpa ẹrụ ọnyịịla pyẹ ọ-ọpyị ọkịla, angị yụbwọ kpịlaa nyọka họ ụkụrwọ nya ube ọnwụ́nwụ, bala angị yẹ oja da. Aanahị anyang ịgbẹgbịlẹ kaa ju ugbiyegu nyaa bala ọjịra-jịra ọngịrị yẹẹyẹẹ. (Etu 14:1) Ịlẹhị lẹ, aanahị anyang á kaa ri angịgbahị nya ọjịra-jịra lee angị myị ẹrụ ka, ma ị kaa ya ọgụ-ẹpẹtẹ ọnyịịla deeji ọọjịra-jịra. Kori ka ri ọọnahị ọnyang, agbẹyị iyina a tị́ ka jẹ́-ẹ bwu họ ụkụrwọ gụ ọwọwa?

• Nwụ́ abwẹla ịnyịịla nya olegu. ​—1Tim 3:11; 1Pit 3:3-6

• Da aanahị anyang ịkịla ịlẹ kị la ẹla ọjẹ́jẹ nwa ka ẹ-ẹpwụ nya ọjịra-jịra ụbwọ. ​—Tay 2:3-5

• Maga nyọka bịrị ụka gụ ọwọwa ẹ-ẹrụ ọnyịịla ọ-kpa pyẹ bala ọ-ka nwà kịlahị gụ ọwọwa

• Jẹ́ oja ọkịla

• Mwụ ka ẹga ká ọbaba ji

• Yụbwọ ju ụpwụ ẹ-ẹpwụ nyọka họ ụkụrwọ ị-ịBẹtẹlụ lee ọ-ka dụbwọ ebe nya Ịpyị-Adịrahụ ọnwụ́nwụ

• Yụbwọ ju ụpwụ ẹ-ẹpwụ nyọka ka Ube-ụpwụ nya Angị Kpa Ẹrụ Ọnyịịla Pyẹ

YẸ IFIM ỌLẸ KỌ RI “ANYANG ỊLẸ KỊ WẸẸ HỌ ỤKỤRWỌ NYA ỌNGỌLAHỊ NYỊLẸHỊ-ỊLẸHỊ,” KANỤ WẸ ỊTỌ ẸLA ILEJI ỊLẸ:

• Ányị ẹla oyaya nya ọọnahị ọnyang ọnyọnyọọnyị à tị́ bwu jung ọhụ?