Abwọ ọrịrị ọlẹ ká Ohe á ye myị lala ịtangare ochoru kwọkwọ ọlẹ kị kaa jụ ila ha iJihova u-ube ịgọgọ ụka wuu. (Eje 141:2) Ụka kahị juwa ya ọháha bala ọ-myịhị lẹhị nyahị dodehe je Adahị olepwoohe, kahị ya ịbaba nyahị bala ang ịlẹ kahị tịtọ joo, bala ọ-bịlọọ nyọka kpahị ụgbẹyị, ahị wẹẹ mẹjẹ nyori ahị jẹ́ apyobwuna nya igu oriri nyahị balọọ. Ịlẹhị lẹ, iJihova kaa yẹ abwọ ọrịrị o-bwu ịlahị ọọjịra-jịra nyahị lala ụpa ọkpọnchị ọhẹ ẹ-ẹpwụ nya ịgba ọgbagba nyahị. Ma, ọ ka kpụ iJihova ịpyọ lụmẹ kori kahị pyẹ ọkịlẹtụ nyahị maaa, kahị kpa ụka oludiyo ọhẹ ya ẹla balọọ ẹ-ẹpwụ nya abwọ ọrịrị nyịlọhị u-uhye nya ang ịlẹ kahị juwa kụ irya chajị nyaa ọ-ọkịlẹtụ nyahị!—Etu 15:8.

YẸ IFIM ỌLẸ KỌ RI M HU ABWỌ ỌRỊRỊ KỤ ỊLAHỊ ỤKA WUU, KANỤ WẸ ỊTỌ ẸLA ILEJI ỊLẸ:

• Iwe-ahụrụ nya akụrwọ iyina Ọọnahị Johnson à tị́ la ẹ-ẹpwụ nya ogu?

• Ányị Ọọnahị Johnson à tị́ bwu kpụnịrọ iJihova ẹ-ẹpwụ nya abwọ ọrịrị?

• Ẹlịyẹ a tị́ jẹ́ bwu ọgụ-ẹpẹtẹ nya Ọọnahị Johnson?