Ụka ọhẹ, ọ kaa lahị lala o-ri ụkụrwọ ọlẹ kahị wẹẹ họ chajị nya angịkịla á myaa lẹhị ka bala o-ri ị ka deeri nyamwụ ahyaahị. Ma, ụkụrwọ ọle ka wẹẹ họ ha iJihova tị bẹẹ? Ụkụrwọ nyahị myị Ohe Oluhye nyahị lẹhị yẹẹyẹẹ, ọ́ tị ka deeri nya abwọlẹ kahị wẹẹ kpa ọkịlẹtụ nyahị wuu myị ẹrụ họọ ẹnẹnẹhẹ ka. Ọ́ dọmwụ rịrị kahị jụ họ myị lẹẹlẹẹ jaabwọ kahị kaa họ ene-ene ka ọ-ọlajị nya ịnyịrọ ọ-la gogo nwa ka wẹwẹ, ọ ka nyẹẹkpẹ dahị ẹnẹnẹhẹ ka.—Hib 6:10.

YẸ IFIM ỌLẸ KỌ RI IJIHOVA KPỊTỊYA, KANỤ WẸ ỊTỌ ẸLA ILEJI ỊLẸ:

• Ányị Ọọnahị Hibshman à tị́ bwu họ ụkụrwọ nyịlẹhị-ịlẹhị ha iJihova i-iwe-ahụrụ nya akụrwọ ịdatị-datị?

• Ányị iJihova à tị́ bwu kpịtịya nya Ọọnahị Hibshman ụka ká ahụ nyamwụ gbu bala ụka kọ chị okurichi kọ jụ ang họ jaabwọ kọ kaa họ myị ene-ene ka?

• Ịyẹ tị́ du kahị ka ya nyori Ọọnahị Hibshman ọ-kpa ọhịhị nyamwụ wuu họ ụkụrwọ ha iJihova ri ang ọ-kpịnya lụmẹ?—Etu 10:22