HỊHỊ LALA ANGỊNYỊ NYA ỊKỊRAYỊSỊ
“Ang Myị́ Ang Ọlẹ Kanụ La Juwa Lẹ, A Nwanụ Ba ụ-Ụwa Mẹ”
Kori kahị ri ọlẹbyahị, ahị ka la ọmayẹ nyọka họ ang ọlẹ kọ ka bịrị igu oriri nyahị bala iJihova myị. Ọ-chụ pwokwita, ụgbẹyị ọhẹ ọlẹ kahị ka bwu yé okpoko lụmẹ-lụmẹ ka wụrụ da hahị myị, ma ọọwa tị ka du kọ ka lujwo hahị nyọka lụka ọ-kpa gbịgba ha iJihova yẹẹyẹẹ. Ọ-kụ irya u-uhye nya ẹla ọlẹ ká ụpwụ nya Ala iHiburu 13:5 ya, ọ ka dahị ụbwọ.
“Gba ụbwọ . . . kpehe hi ẹpwụ nya ẹhị nyanya nya okpoko ọchịchị”
-
Kụ ẹhị yẹ abwẹla nyang u-uhye nya okpoko ọlala bwula abwọ ọrịrị, bala ọ-kụ irya ju ọgụ-ẹpẹtẹ ọlẹ ka wẹẹ ya deeji ha anyị nyang.—g 9/15 6.
“Kanụ myị ká ang myị́ ang ọlẹ kanụ la juwa lẹ, a nwanụ ba ụ-ụwa mẹ”
-
Kụ irya u-uhye nya ang ịlẹ kị baba hang yẹẹyẹẹ.—w16.07 7 ¶1-2.
“Am Ohe Oluhye á ka kpanụ anụ angịnyị nyam keji kpong-kpong ka lee ọ-tụụbwọ hiinu kpá ẹnẹnẹhẹ kaka”
-
Dahịhile nyori iJihova ka dang ụbwọ nyọka la ang ịlẹ kị baba hang ẹ-ẹpwụ nya ọhịhị kori ká kịnyaa la ọ-ka hụ ẹla nya Ịpyị-Adịrahụ kụ ịlahị jene.—w14 4/15 21 ¶17.
YẸ IFIM ỌLẸ KỌ RI ABWỌLẸ KÁ AANAHỊ WẸẸ YÉ OKPUNYI Ẹ-ẸPWỤ NYA ANG O-JI NWA KA, KANỤ WẸ ỊTỌ ẸLA OLEJI ỌLẸ:
Ẹlịyẹ a tị́ jẹ́ bwu oja nya ọọnahị Miguel Novoa?
