8:6-9, 12; 9:1-5, 23, 24

IJihova du ila bwu epwoohe kaka rụ iya ọ-rụ ila nya ọgbanyẹ-ọgbanyẹ nya Erọn bala anyị nyamwụ ịlẹ kọ chụ nyọka ri angịkiliya. Ọọwa mẹjẹ nyori iJihova ji ẹkpẹ nyaa bala ọ-myị ọnụ ju iwe-ahụrụ nyaa ọwẹ. IJihova ju ẹpwụma nya Isirẹlụ ịlẹ kị tụguru kị yẹ ẹla ọọwa ọhụ nyọka chẹkpẹ ju angịkiliya ịwẹ bwu ọkịlẹtụ nyaa wuu. Alẹ ịnyịnyị, iJihova wẹẹ kpa iJisọsị ịKịrayịsị Olegbeju Okiliya ọgụgụ wuu họ ụkụrwọ. (Hib 9:11, 12) La 1919, iJisọsị chụ ebwo ochiche ọhẹ bwu ẹpwụ nya alẹng ịlẹ ká iJihova ya ida wụ́, nyọka ri “ọnchẹ ọ-chịla o-hu ọkịlẹtụ ha bala ọngọ jẹ́ ẹla.” (Mat 24:45) Ịyẹ à tị́ ri ang ẹjẹẹ ọhẹ nyori ọnchẹ ọ-chịla o-hu ọkịlẹtụ ha ọwẹ la ahị ọwawa bala o-yẹ myị nya iJihova?

• Nanana nyori ọtụpyịpyị ji yẹẹyẹẹ, ọnchẹ ọ-chịla o-hu ọkịlẹtụ ha wẹẹ kịnyaa la ọ-ka ya ang oriri nya olegu hahị

• Jaabwọ ọlẹ kị yẹ ọmwụ neeji ene-ene, ị wẹẹ kpa ẹrụ ọnyịịla pyẹ “ẹga myị́ ẹga nya odehe ọlẹ wuu”.​—Mat 24:14

Ányị ahị tị ka bwu chẹkpẹ ju ọnchẹ ọ-chịla o-hu ọkịlẹtụ ha bala ọngọ jẹ́ ẹla?