ANG ODUDU ỌLẸ KỌ́ BABA: Ẹrụ ọnyịịla ọ-kpa pyẹ bwu ifon ri ụgbẹyị ọkpọnchị ọhẹ ọlẹ kahị la nyọka ri “ibeenu . . . nya ẹrụ ọnyịịla.” (Ụkụr 20:24) * Ọọwa kaa ya iwe hahị nyọka ya ẹrụ ọnyịịla ju ọngịnyị ụka ká iwe-ahụrụ á myị hahị nyọka ju ọngọọwa ụga lịlọhị ka.

JAABWỌ ÁHỊ KA BWU HỌ ỊNYỊ:

• Nwụlanọ. Chụ egbeju nya ẹla ọlẹ kọ ka pwoku. Da ahị nya ala ịlẹ ká tịtọ nyọka ya neeji. Ịnyịnyị, à ka jẹ́-ẹ da ụpwụ o-kpii ọhẹ neeji nyọka ya ang odudu ọlẹ ká wẹẹ wụrụ ọngọọwa, o-ri kọ ri ang ọ-ya ẹla kọ wẹng. Ọ há nyọka hụhụ ba itebwuru ba la ang-abwọ nyang bala ang ịkịla ịlẹ kị baba hang lala ọ-ka wụrụ ifon nyang ka JW Library^® lee jw.org^®

• Dọhụ pịlẹẹ. Ya ẹla jaabwọ á kaa ya ene-ene. Chị ụmwẹhụ bala ọ-dụbwọ ụgbẹyị ọlẹ kọ pwoku lala o-ri ọngọọwa juwa yẹng. A chị godayị ododoodu ka. Ọ kaa há yẹẹyẹẹ nyọka họ ụkụrwọ bala angịkịla. Kori ká ọngọlẹpwa á tọ ịtọ ẹla, mọọ ya gboo chajị ká ọngọkịla nyang ka wo, kọ ka dang ụbwọ mwahị nya ọwẹwẹ nya ịtọ ọọwa

• Ya ịtọ ẹla neeji gbe ọmwẹẹkpẹ ka. Kori ká ọngọọwa à ke ụrụ, á ka jẹ́-ẹ ya ịtọ ẹla neeji gbe ụka ọkịla ọlẹ á ka wụrwọọ myịmyị. À ka byoo nyori, á ka da ileta tọọ myị lee ọ-kpa ụpwụ nyahị ọhẹ kpangga kịlọọ. Lee á ka ya ifim lee ụpwụ ọhẹ du kịlọọ bwu ifon myị. Ụka ká yẹ nyori o-pwoku, à ka ya ẹla u-uhye nya Online Bible Study Lessons lee ang-abwọ ịkịla ịla ịwẹbsayịtị nyahị ju ọngọọwa