ANG ODUDU ỌLẸ KỌ́ BABA: Angịlẹ kị chụ nyọka ka epwoohe bala ebwo nya ịkpịlọ ịkịla wụrụ angịnyị ụma ọnyị myị́ ọnyị wuu nyọka “ye enyi nya ọhịhị nwa la ọ-ka nwụ uri nyamwụ nwụ ene” ka. (Ọwụ 22:17) Enyi ọọwa ku ọmwakpa nya ang ịlẹ wuu ká iJihova họ nyọka gba angịnyị ehe ịlẹ kị myị́ ju ihi nyamwụ kpehe bwu ẹpwụ nya ọhọbịrị bala igu ogbugbu. Chajị nyọka da angịnyị ịlẹ kị la ịhọhọ bala ịgba ọgbagba ịdatị-datị ụbwọ, ahị baba nyọka ya “ẹrụ ọnyịịla o-gbe oyi myị́ oyi” jaa ụ-ụgbẹyị ọlẹ kọ ka kpụ ọng myị́ ọng ịpyọ.—Ọwụ 14:6.

JAABWỌ ÁHỊ KA BWU HỌ ỊNYỊ:

• Chụ egbeju nya ẹla bala Ụpwụ Ịgọgọ ọlẹ kọ ka gu angịnyị ọ-ọkịlẹtụ o-oye nyang. A ka chụ ọ-họ mẹjẹ ọhẹ bwu ẹpwụ nya ụgbẹyị ọlẹ áhị ka bwu ya ẹla lee ịngịhyẹ ọlẹ ka jẹ́ kpa họ ụkụrwọ yẹẹyẹẹ ụka ọhẹ lẹ. Egbeju nya ẹla bala Ụpwụ Ịgọgọ oyina a tị kaa kpụ angịnyị ịpyọ? Oja ọhẹ ji kpangjẹ ká angịnyị lụmẹ-lụmẹ ja ya ẹla u-uhye nyamwụ? Ịyẹ a tị ka kpụ ọlẹng lee ọnyang ịpyọ?

• Da ọnụ chị bala o-ya ẹla rụ ịhọhọ ịlẹ ka angịnyị jẹ yẹẹyẹẹ o-oye nyang, ẹ-ẹpwụ nya ẹla oyaya nyang.—2Kọr 6:3, 4

• Jẹ jaabwọ a ka kpa apwụ bala ifim bwu ẹpwụ nya Ang-abwọ ịlẹ Kahị kaa Kpa Mẹ Ang Jẹ họ ụkụrwọ chajị ká ka jẹ́-ẹ maa jẹ angịlẹ kị ke ụrụ lang

• Kịla apwụ bala ifim nyahị ịlẹ kị ji la oja nya angịlẹ ká ka to o-oye nyang ju

• Nwụ egbeju nya ẹla nyang họ chajị kọ ka pwoku ịbaba nya ọngọlẹ ka wẹẹ ya ẹla ju. (1Kọr 9:19-23) Ọchụ pwokwita, ẹlịyẹ a tị ka ya kori ka jẹ nyori ọngọhẹ nya ọngọlẹ ka wẹẹ ka ya ela ju nyị gbu kpangjẹ?

YẸ IFIM ỌLẸ, KÁ WẸ ỊTỌ ẸLA ILEJI ỊLẸ:

• Egbeju nya ẹla oyina ọọnahị ọwẹ a tị dọmwụ nya oyaya bala ayịdẹpwa ọwẹ?

• Ịịyẹ a tị juwa họ ẹ-ẹpwụ nya ọhịhị nya ayịdẹpwa ọwẹ bwu ẹkpẹ-ẹkpẹ?

• Ụpwụ Ịgọgọ oyina a tị pwoku iwe-ahụrụ ọwẹ gụ wuu, ịyẹ tị du?

• Ányị a tịị bwu nwụ ẹla ọlẹ ka nwụlanọ nyọka ya họ, chajị kọ ka kpụ angịnyị ịpyọ o-oye nyang?