Ụka lụmẹ-lụmẹ ẹ-ẹpwụ nya ego, angị kpeji kaa da angịnyị nya iJihova ụbwọ. (Ẹsịr 6:1-12; Ẹsịt 8:10-13) Ịnyịnyị lụka nyahị alẹ, ahị yẹ jaabwọ ká “ọpyị,” kọ ri alegbeju ịla eje nya odehe ọlẹ kaa la irya ọnyịịla ẹ-ẹga nya angịnyị nya Ohe Oluhye, dudu ko kaa wu “ihu ọtụka” ko ri ịtụpyịpyị ịlẹ ká ịdịragọn olegu onyobyi kaa kpa wẹ angịnyị nya Ohe Oluhye mile. (Ọwụ 12:16) IJihova “Ohe Oluhye nyahị ọlẹ kọọ chị angịnyị da,” kaa ya ụbwọ gu angị kpeji ụka ọhẹ nyọka ya iwe da ha angịnyị nyamwụ.—Eje 68:20; Etu 21:1.

Ma, kori kị wung ju agba chajị nya ọmyịmyị nyang bẹẹ? A la ịwẹẹ ọdada ká, iJihova juwa kpẹhị rịrịng. (Ọmwụ 39:21-23; Eje 105:17-20) La ahị ọdahịhile nyori á ka ye uri chajị nya ọmyịmyị nyang bala ọ-la ọ-jẹ myịmyị nyori o-godayị giri-giri nyang ju aanang ịla odehe wuu ọhụ.—Filip 1:12-14; Ọwụ 2:10.

YẸ IFIM ỌLẸ KỌ RI AANAHỊ ỊLA KOREA ỊLẸ KỊ GBA KPEHE BWU AGBA, KÁ WẸ ỊTỌ ẸLA ILEJI ỊLẸ:

• Ịyẹ tị du kị wu ụnọ-ụnọ nya aanahị ju agba ịị south Korea ẹ-ẹpwụ nya ẹka ịmanyị-ịmanyị kam kẹkpẹ?

• Eje ọchịchị oyina à tị́ ya iwe da dudu kị gba aanahị ịhyẹ kpehe bwu agba ahyaahị?

• Ányị ahị tị ka bwu da aanahị ịlẹ wuu kị wu ju agba juwa lẹẹlẹẹ chajị nya ọmyịmyị nyaa ụbwọ?

• Ányị ahị tị ka bwu kpa iwe ọnyị myị́ ọnyị ọlẹ kahị la lẹẹlẹẹ họ ụkụrwọ?

• Oowo à tị́ ju ọmwụ nya ọkụrụ-kụrụ ọnyị myị́ ọnyị ọlẹ kahị kaa la bwu ube oleje?