ANG ODUDU ỌLẸ KỌ́ BABA: IJihova, Ọngọ Ọmẹjẹ Ọtụka kaa mẹ ang jẹẹhị ụ-ụgbẹyị ọlẹ kọ há gụ wuu. Ọọ mẹjẹẹhị jaabwọ áhị ka bwu kpa ọhịhị nyahị kọ ka ju apyobwuna hahị lẹẹlẹẹ bala ọ-nwụlahị nọ gbe ọhịhị ọnyịịla ụ-ụwa ị-ịlahị. Áhị tị kaa nwụ uri nya ang ọmẹjẹ ọọwa kpong-kpong ka. (Ay 11:6-9; 30:20, 21; Ọw 22:17) Bwula ang ọmẹjẹ ọwẹ, iJihova nwụlahị nọ, nyọka kpa ẹrụ ọnyịịla nya ọchịda pyẹ ya je angịkịla ịnyịnyị.—2Kọ 3:5.

JAABWỌ ÁHỊ KA BWU HỌ ỊNYỊ:

• La olegu nya ịlọng ọ-kpa keji bala ọ-la dụmwọ—Eje 25:8, 9

• Ye ọmẹjẹ o-bwu ẹga nya Ohe Oluhye ọlẹ kọ ji hang lẹẹlẹẹ myị, lala ọ-ka họ ụkụrwọ ọnyị myị ọnyị ọlẹ kị ya hang ẹ-ẹpwụ nya Ọjịra-jịra ọlẹpwụ nya epwihi yẹẹyẹẹ.

• Hu ang nya olegu ịlẹ ká tịtọ nyọka wu ọyị nọ ha ịlọng—Fil 3:13

• Nwụlanọ nyọka tụụbwọ hi ang ịhyẹ beji chajị nyọka nwa kịlahị-ịlahị ẹ-ẹpwụ nya ang ọjẹ́jẹ.—Fil 3:8

YẸ IFIM ỌLẸ KỌ RI, ANG ỌMẸJẸ O-BWU ẸGA NYA IJIHOVA YA ỤDỤ ỌKPỤKPỤ NYA OLEGU HAHỊ, KÁ WẸ ỊTỌ ẸLA ỊLẸ:

• Iwe-ahụrụ ilujwo iyina aanahị ịhyẹ a tị be bwu myị́ ene kị jẹ́-ẹ ka Ube-Ẹpwụ nya Angị Kaa Kpa Ẹrụ Ọnyịịla Pyẹ?

• Ịyẹ ị tị́ kaa mẹjẹ u-Ube-Ẹpwụ nya Angị Kaa Kpa Ẹrụ Ọnyịịla Pyẹ?

• Ányị ala ọjịra-jịra a tị da aanahị ịlẹ kị họ kpá bwu ube-ụpwụ ọwẹ ụbwọ, ẹ-ẹpwụ nya ụkụrwọ onyeewe ọlẹ kị́ ya haa?

• Angịnyị ịlányị ị tịị ye ka Ube-Ẹpwụ nya Angị Kaa Kpa Ẹrụ Ọnyịịla Pyẹ? (kr-E 189)

• Ụma nya ang ọjẹ́jẹ ọkịla oyina à tị́ háng nyọka ku ẹ-ẹpwu nya ogu nya iJihova?