À Juwa Ma Uya Nyọka Ye Ahị Ọwawa?
Nyọka ye ahị ọwawa bwu ẹga nya iJihova, ahị baba nyọka maga nyịlẹhị-ịlẹhị nyọka hu ịgba ọgbagba ha iJihova nọ ị-ịlahị jene-jene ọ-ọhịhị nyahị. (1Kọr 9:26, 27) Ụka kahị ja gbịgba ha iJihova, ahị ka la irya ụma ọlẹ ká iJekọbụ la ụka kọ ma uya ta olegu-ẹrụ. Ahị ka mẹjẹ nyori ahị tịtọ nya ahị ọwawa o-bwu ẹga nya iJihova, bwula ọ-ka . . .
-
nwụlanọ nya ọjịra-jịra ọkaka
-
la ọgaga ẹ-ẹpwụ nya ẹrụ ọnyịịla ọ-kpa pyẹ
-
maga nyọka da angịkịla ụbwọ ẹ-ẹpwụ nya ọjịra-jịra
Jaabwọ myị́ abwọ ká iwe-ahụrụ nyang à tụ́pyịpyị kaka ba, raabwọ ha iJihova ụka wuu nyọka dang ụbwọ, ká bịlọọ kọ ka wahị kụrụ aga ọmama nyang nyọka gbịgba họọ.
TỊLỌNG WO WẸẸ, ‘Ụpa nya ọhịhị nyam oyina m̀ tị́ ka maga ju nyịlẹhị-ịlẹhị chajị nyọka ye ahị ọwawa nya iJihova?’