HỊHỊ LALA ANGỊNYỊ NYA ỊKỊRAYỊSỊ
Ịịyẹ À Tị́ Ju Apyobwuna Ham Gụgụ Wuu?
IJekọbụ ma uya ta olegu-ẹrụ chajị nya ịngịhyẹ ọlẹ kọ baba yẹẹyẹẹ—kọ ri ahị ọwawa o-bwu ẹga nya iJihova. (Ọmwụ 32:24-31; Hos 12:3, 4) Ahị tị́ bẹẹ? Áhị nwụlanọ kahị ka maga nyịlẹhị-ịlẹhị chajị nyọka ju ihi nya iJihova bala ọ-ka ye ahị ọwawa bwu ẹga nyamwụ? Lala ọ-chụ pwokwita, kori kahị ka chụ bwu ẹpwụ nyọka ka ọjịra-jịra bala ọ-ka ya awa ịmanyị-ịmanyị da ụka nya ụkụrwọ nyahị olodehe, oyina àhị tị́ ka chụ? Kori kahị ya ụka, ọngịrị, bala ang-abwọ nyahị ha iJihova, ọ ka do “ahị ọwawa” kụrụụhị lala enyi gbee ká ịngịngịhyẹ á ka gahị amwụ kaka. (Mal 3:10) Ọ ka chewu keehi bala ọ-kpẹhị rịrịịhị bala ọ-họ ịbaba nyahị hahị.—Mat 6:33; Hib 13:5.
YẸ IFIM ỌLẸ KỌ RI, JUWA KU ANG NYA OLEGU ỌLẸ KÁ CHỤ NỌ ỊLAHỊ. KÁ WẸ ỊTỌ ẸLA ILEJI ỊLẸ:
-
Ányị ọmayẹ à tị́ bwu chị ọọnahị ọwẹ ọgụ bwula ang ọlẹ kọ họ́ọ yeeyee?
-
Ányị ụkụrwọ nyahị à tị́ ka bwu ri ọmayẹ hahị myị?
-
Ịịyẹ tị́ du ká iTimoti baba nyọka hụ ang ọya nọ ha ịlọmwụ, nanana nyori ọ ri ọngịnyị ọlẹ kọ nwanwa ẹ-ẹpwụ nya olegu?—1Tim 4:16
-
Ányị ahị tị́ ka bwu mẹjẹ, ụkụrwọ ọlẹ kọ baba hahị gụgụ wuu?