KPA ẸRỤ ỌNYỊỊLA PYẸ YẸẸYẸẸ | YE ỌKẸKẸNỊ GỤ ỌWỌWA Ẹ-ẸPWỤ NYA ẸRỤ ỌNYỊỊLA Ọ-KPA PYẸ NYANG
Ye Ụbwọ Ọdada Bwu Ẹga nya Angị Họ Ụkụrwọ Balahị Myị
Ahị kaa ye ụbwọ ọdada bwu ẹga nya iJihova bwula “angịnyị nya Ohe Oluhye ịkịla,” kị ri aanahị alẹng bala anyang. (1Pit 5:9) Ị ka jẹ́-ẹ dahị ụbwọ nyọka kụrụ akama ịlẹ kị ka chịhị ọgụ ẹ-ẹrụ ọnyịịla ọ-kpa pyẹ. Ọ-chụ pwokwita, ọlẹrụ ịPọlụ ye apyobwuna nya ụbwọ ọdada bwu ẹga nya Akwila bala iPirisila, ịSayịlasị, iTimoti bala angịkịla ịnyịnyị.—Ụkụr 18:1-5.
Ányị aanahị ịkịla à tị́ ka jẹ́-ẹ dang ụbwọ ẹ-ẹrụ ọnyịịla ọ-kpa pyẹ? Ị ka jẹ́-ẹ ya jung jaabwọ á ka bwu ya ẹla u-uhye nya ịtọ ẹla ọhẹ ọlẹ ká angịnyị kaa tọ u-uhye nyahị, bala abwọ á ka bwu ka ọmwẹẹkpẹ ka lee abwọ á ka dọmwụ nya ịBayịbụụ ọjẹ́jẹ. Kụ irya nya ọngọhẹ ọọjịra-jịra nyang ọlẹ kọ ka jẹ́-ẹ dang ụbwọ, ká bịlẹ ụbwọ ọdada bwu ẹga nyamwụ. Ịwẹẹ ọdada á ji ka, anụ angị imimiiye ka jẹ́-ẹ ye apyobwuna bwu ẹga nya awụlẹ bala ọ-ka chị ọkẹkẹnị lawụlẹ ịnyịnyị.—Filip 1:25.
YẸ IFIM ỌLẸ KỌ RI YE ỌKẸKẸNỊ ỌLẸPWỤ NYA Ọ-HỌ KÁ ANGỊKỊLA KA RI ANGỊJỤGBẸYỊ BWULA O-YE ỤBWỌ ỌDADA NYA IJIHOVA MYỊ—AANAHỊ , KANỤ WẸ ỊTỌ ẸLA ILEJI ỊLẸ:
Ányị Inori a tị́ maga nyọka ju Agidi ọhụ kọ ka ka ọjịra-jịra?
Ịyẹ à tị́ du kahị ka wụrụ aanahị ịkịla nyọka bajẹ balahị kaka jẹ ịBayịbụụ bala ọngịnyị?
Ala ọjịra-jịra wuu ka jẹ́-ẹ yụbwọ-ụbwọ dawụlẹ họ ká ọngịnyị ka ri ọngọjụgbẹyị myị
Ịyẹ Agidi bala Ọọnahị ọgbahị ọwẹ à tị ba la lawụlẹ?
Ang ịkịla iyina aanahị à tị́ ka jẹ́-ẹ mẹjẹ́ng nyọka kpa họ ụkụrwọ ẹ-ẹrụ ọnyịịla ọ-kpa pyẹ nyang?
