HỊHỊ LALA ANGỊNYỊ NYA ỊKỊRAYỊSỊ
Kpa IJihova i-Irya Ụka Myị́ Ụka
Ụka ká ụkụrwọ á lujwo la oyeye, ọ-ka lujwo hahị nyọka hu Ịpyị-Adịrahụ nya Ohe Oluhye bala abwẹla ọnyịịla ọhọhọ kụ ịlahị ẹ-ẹpwụ nya ọhịhị nyahị myị́. Ọhẹka ahị ka la ọmayẹ nyọka ye ụkụrwọ ọlẹ kọ ka chịhị ochuchuu la ọ-ka gbịgba ha iJihova myị, lee ọlẹ kọ bịrị ehile ịlẹpwụ nya ịBayịbụụ. Ma, ahị ka lahị ọdahile nyori iJihova kaa mẹ ọngịrị nyamwụ jẹ ẹ-ẹga nya “ọng myị ọng ọlẹ kọ kpa ọkịlẹtụ nyamwụ myị lọọ kpẹẹkpẹẹ.” (2Ego 16:9) Ịngịngịhyẹ-ẹ́ ka jẹ́-ẹ wu Adahị ọ-la ọhạ́ha kpa la ọ-ka dahị ụbwọ lee ọ-họ ịbaba nyahị hahị ka. (Rom 8:32) Lẹẹlẹ, ụka kahị juwa ka cheje u-uhye nya ụkụrwọ ọlẹ kahị ka họ, o-ri opyii kahị ka dahịhile iJihova bala ọ-ka hu ịgba ọgbagba nyahị họọ kụ ịlahị.—Eje 16:8.
YẸ IFIM ỌLẸ KỌ RI KPA ỌNGỊRỊ NYANG WUU HỌ ỤKỤRWỌ HA IJIHOVA, KANỤ WẸ ỊTỌ ẸLA ILEJI ỊLẸ:
Ịyẹ tị́ du ká Jason pwa la ọ-ka ye okpoko ochikiriju?
Ányị ụpwụ nya ala iKolosi 3:23 à tị́ bwu guhi?
Ányị ọgụ-ẹpẹtẹ ọnyịịla nya Jason à tị́ bwu gu Thomas?
Kpa iJihova i-irya ẹ-ẹpwụ nya eje ọchịchị nyang ọnyị myị́ ọnyị bala ang myị́ ang ọlẹ á ka họ
Ányị ụpwụ nya ịMatiyu 6:22 à tị́ bwu guhi?
