KPA ẸRỤ ỌNYỊỊLA PYẸ YẸẸYẸẸ | YE ỌKẸKẸNỊ GỤ ỌWỌWA Ẹ-ẸPWỤ NYA ẸRỤ ỌNYỊỊLA Ọ-KPA PYẸ NYANG
Kpa Ang-abwọ ị-Kpa Mwahị nya Ẹla Nyahị Họ Ụkụrwọ
IJihova ya ang-abwọ lụmẹ-lụmẹ hahị chajị kahị ka jẹ́-ẹ mẹ ang jẹ yẹẹyẹẹ, ang lala ifim, ịtrakị, ịmagajini, apwụ ichiche, apwụ ịtụka bala ang-abwọ nyahị ọlẹ kọ ri ọkpọchị gụgụ wuu kọ ri ịBayịbụụ. (2Tim 3:16) Ọ myịmyị ya ang-abwọ ọ-kpa mwahị nya ẹla hahị chajị kọ ka dahị ụbwọ da ịBayịbụụ wụlẹ rige-rige. Tụ ang lala Watchtower Library, JW Library® app, Watchtower ONLINE LIBRARY™, bala Research Guide for Jehovah’s Witnesses.
A ka ye ọkẹkẹnị yẹẹyẹẹ kori ka kpa ang-abwọ ịlẹ kị ji wẹ wuu họ ụkụrwọ nyọka mwahị nya ang ụdụ nya olegu bwu ẹpwụ nya ịBayịbụụ. Maga nyọka mẹ jẹ angịlẹ ka kaa mẹ ang jẹ́ jaabwọ kị ka bwu kpa ang-abwọ ịwẹ họ ụkụrwọ ịnyịnyị. Kori ká họ ịnyị, ọ ka kpaa ịwa ayịdang ịpyọ nyọka jẹ́-ẹ yẹ ọwẹwẹ nya ịtọ ẹla lụmẹ-lụmẹ ịlẹ kị kaa la bwu ẹpwụ nya ịBayịbụụ.
YẸ IFIM ỌLẸ KỌ RI YE ỌKẸKẸNỊ ỌLẸPWỤ NYA Ọ-HỌ KÁ ANGỊKỊLA KA RI ANGỊJỤGBẸYỊ BWULA O-YE ỤBWỌ ỌDADA NYA IJIHOVA MYỊ—ANG-ABWỌ Ị-KPA MWAHỊ NYA ẸLA, KANỤ WẸ ỊTỌ ẸLA ILEJI ỊLẸ:
Ányị Agidi a tị́ mẹjẹ nyori ọ́ myị nyori ị-họ ang ilodehe ọlẹ họ ka?
Ale Inori a tị́ ye ahị nya ẹla u-uhye nya egbeju nya ẹla ọwẹ bwu?
Ang ụdụ nya olegu ọ-mwahị bwu ẹpwụ nya ịBayịbụụ bala ọ-maa jẹ angịkịla kaa kpa ọkẹkẹnị wahị
Ányị ọ tị́ bwu chụ ẹhị nya ẹla ọlẹ kọ pwoku iwe-ahụrụ nya Agidi?
Ányị ang-abwọ ị-kpa mwahị nya ẹla a tị́ bwu ju apyobwuna ha Inori?
