La Ọya Ọkụrụ Ọhọhẹ, ahị ka maga nyịlẹhị-ịlẹhị nyọka ya oja ọnyịịla ju angịnyị nyori odehe onyeewe ju chwẹẹ lẹ. (Eje 37:10, 11; Ọwụ 21:3-5) Nwụ iwe-ahụrụ nyang họ nyọka lụbwọ yẹẹyẹẹ ẹ-ẹpwụ nya ẹrụ ọnyịịla ọ-kpa pyẹ ọdatị ọwẹ. Kori ká yụbwọ ju ụpwụ ẹ-ẹpwụ la ọya ọwẹ nyọka ye ịlahị nya ụgbẹyị, a ka chụ nyọka họ awa 30 lee 50 myị́.

Nwụlanọ nyọka mẹ ụpwụ ịgọgọ ọhẹ ọlẹ kọ ya ẹla u-uhye nya odehe onyeewe jẹ iru nya angịnyị lụmẹ-lụmẹ. Ụka ká juwa chụ ịBayịbụụ ọlẹ á ka wa, kụ irya nya ẹla ọlẹ kọ ka kpa aloye nyang ịpyọ. Kori ká ọngịnyị á ke ụrụ yẹẹyẹẹ ụka nya ọgbanyẹ-ọgbanyẹ, ya ụpwụ nya Ẹpwang ọ-Kụ Gbeji No. 2 2021 ọlẹ kọ ri ịnya alụma họọ. Ká mwẹẹkpẹ ka ẹga nyamwụ ahyaahị bala ọ-maga nyọka dọmwụ nya ịBayịbụụ ọjẹ́jẹ balọọ bwula ọ-kpa ụpwụ ọlẹ kọ ri Chị Ọkẹkẹnị Gboyi Myị́ Oyi! Ọ ka kpịpyọ lụmẹ nyọka ya “oja ọnyịịla nya okpunyi” ju angịnyị!​—Ayị 52:7.

YẸ IFIM NYA EJE ỌKPỊPYỌ-KPỊPYỌ ỌLẸ KỌ RI ODEHE ONYEEWE, KANỤ WẸ ỊTỌ ẸLA ILEJI ỊLẸ:

• Ẹhị ọrịrịị-rịrị nya ijuju ọnyịịla oyina onjwo ochiche ọwẹ à tị́ wẹẹ kụ irya ju?

• Ẹhị ọrịrịị-rịrị oyina kpangga ahụ à tị́ yẹhị rịrị gbe ụ-ụwa odehe onyeewe?

• Ányị irya ọ-kụ ju ẹhị ọrịrịị-rịrị nyang à tị́ ka jẹ́-ẹ nwụlang nọ nyọka la ụbwọ yẹẹyẹẹ ẹ-ẹrụ ọnyịịla ọ-kpa pyẹ ọdatị ọla Ọya Ọkụrụ Ọhọhẹ?​—Luk 6:45