Ọhịhị ịla ahyẹẹnụ ihyẹẹkpẹ ịlẹ myị la ịmayẹ lụmẹ-lụmẹ. Jaabwọ kahị wẹẹ jẹ ju ocheju nya odehe ọlẹ chwẹẹ, ang ka tụpyịpyị kịlahị-ịlahị. Ụka ọhẹ, áhị ka la ang-abwọ ịhyẹ bala ịkịla ịlẹ kahị tịtọ ka myị. (Hab 3:16-18) Ịyẹ à tị́ ka dahị ụbwọ nyọka bọhụ ẹ-ẹpwụ nya ang ọ-la nwà ka nyahị la ahị ọdahile? Ahị ka kịnyaa la ọdahile Ohe Oluhye nyahị iJihova. Ọ myị ọnụ nyọka kpa ahị ju anchẹ nyamwụ, ọ tị kaa ya ang ịlẹ kahị baba hahị ẹ-ẹpwụ nya iwe-ahụrụ ọnyị myị́ ọnyị ọlẹ kahị ji.—Eje 37:18, 19; Hib 13:5, 6.

Ang ọlẹ á ka họ:

• Bịlẹ iJihova nyọka kpang ụgbẹyị, ya ẹla ọjẹ́jẹ hang, bala ọ-dang ụbwọ.—Eje 62:8

• Nwụlanọ nyọka ye ụkụrwọ ọlẹ ká họ ẹnẹhẹ lẹka myị.—g 1/10 8-9, akpa

• Kịnyaa la ọ-ka ri ang nya olegu ụka wuu, tụ́ ọ-ka wa Omyi Ẹla nya Ohe Oluhye ẹnụ myị́ ẹnụ, ka ọjịra-jịra wuu, bala ọ-la ọgaga ẹ-ẹpwụ nya ẹrụ ọnyịịla ọ-kpa pyẹ

YẸ IFIM ỌLẸ KỌ RỊ NWỤ́ ẸPWA ỌLẸ KỌ KA RI EHE—“ANG MYỊ́ ANG ỌLẸ KANỤ LA JUWA . . . A NWANỤ BA Ụ-ỤWA MẸ,” KANỤ WẸ ỊTỌ ẸLA ILEJI ỊLẸ:

• Akama iyina à tị́ chu ugbiyegu ịhyẹ ọgụ?

• Ịyẹ à tị́ baba gụgụ wuu ẹ-ẹpwụ nya ọhịhị?

• Ányị ahị tị́ ka bwu da angịlẹ kị ji ẹpwụ nya akama nya okpoko ọ-la nwà ka ụbwọ?