HỊHỊ LALA ANGỊNYỊ NYA ỊKỊRAYỊSỊ
IJihova Kaa Chị Angịlẹ ká Ahị Ọdahile Gwaa Myị Da
Ọng myị́ ọng nyahị á kaa chị ọkẹkẹnị ka ụka ọhẹ lee ọkịla. Ọngịnyị ọ-chị ọkẹkẹnị ka, á rị yẹkẹẹ ọ la dẹwụ-dẹwụ ẹ-ẹpwụ nya olegu ka. Ụka ọhẹ dọmwụ ji ká iJihova lịlọmwụ á chị ọkẹkẹnị ka. (Ọmwụ 6:5, 6) Ma kori ká ọkịlẹtụ a kaa bịrịịhị ụka myị́ ụka lee lụka ọtata bẹẹ?
Ka ẹga nya iJihova kọ dang ụbwọ. Jaabwọ ká ẹla kaa lahị i-irya bala ọkịlẹtụ ri ẹla nya iJihova. Ọ jẹ́ ụka kahị juwa chị ọkẹkẹnị bala ụka ka ọkịlẹtụ ja bịrịịhị. Ọ jẹ́ ang odudu kahị kaa kụ irya jaabwọ kahị kaa kụ bala abwọ ká ẹla kaa lahị (Eje 7:9a) Ọlẹ ọ tị gụgụ wuu ri, iJihova kaa kpahị juhi bala ọ-kaa dahị ụbwọ bọhụ ụka ká olegu a ja bịrịịhị lee ọkịlẹtụ juwa kpụhị enyi.—Eje 34:18.
Chewu ke irya ọlẹpwụ ọkịlẹtụ nyang. Ọngịnyị o-ja kpa irya nya ala ịtịpyọ ịlẹ kị họ tọọ ọ-ọkịlẹtụ ụka myị́ ụka ka du kọ ka jẹ́-ẹ chị ọkẹkẹnị ẹ-ẹpwụ nya ịgba ọgbagba nyamwụ ha iJihova ka. Chajị nya ọọwa lẹ, ọbaba kahị ka chewu ke ọkịlẹtụ nyahị—kọ ri ọngịnyị ọlẹ kahị ri ẹpwụ.—Etu 4:23.
YẸ IFIM ỌLẸ KỌ RI ABWỌLẸ KÁ AANAHỊ WẸẸ YÉ OKPUNYI Ẹ-ẸPWỤ NYA ỌKỊLẸTỤ OKPENYI, KANỤ WẸ ỊTỌ ẸLA ILEJI ỊLẸ:
-
Ang iyina Nikki à tị́ họ kọ dọọ ụbwọ bọhụ ụka ká ọkịlẹtụ kpọọ enyi?
-
Ịyẹ tị́ du ká Nikki yẹ nyori ọ baba nyọka ka ube uteji?—Mat 9:12
-
Agbẹyị iyina Nikki à tị́ kpụnịrọ iJihova nyọka dọọ ụbwọ?