Alẹnẹla kaa tịtọ nyọka họhị ang ọjụjụ ị-ịnyịrọ bala olegu. Ị dọmwụ ka bịrị igu nyahị bala iJihova myị kori kahị ju uhi nyaa ụka kị ja ba ịgba ọgbagba nyahị ẹtẹ. Ányị a tị́ ka jẹ́-ẹ kpahị ju ịlọng hi alẹnẹla?

Iru nya anchẹ nya iJihova kụrụ alẹnẹla myị bwula ọ-kpụnịrọ iJihova. (Eje 18:17) Ọ-chụ pwokwita, Ẹsịta wuleji ya ẹla chajị kọ ka ya dodehe ang ọlẹ ká ịHaman ọlẹnẹla onyobyi nwụlanọ kọ ka họ. (Ẹsịt 7:1-6) Ene kọ tị ka họ ịnyị, ọ mẹjẹ nyori ọ kpụnịrọ iJihova bwula ọ-họ ọnọlimyi. (Ẹsịt 4:14-16) IJihova wahị kụrụ ọhọhọ nyamwụ ọọwa bala o-chewu koo bala angịnyị nyamwụ.

Anjwo, kori ká ọlẹla ọhẹ a kaa jahị dang ụka myị́ ụka, bịlẹ iJihova kọ ka dang ụbwọ bala o-ya ẹla ọọwa je ọngọgbahị ọhẹ lala adang lee ịnang. Jẹ́ myị̀myị̀ nyori iJihova ja dang ụbwọ jaabwọ kọ da Ẹsịta ụbwọ. Ịyẹ myịmyị a tị́ ka jẹ́-ẹ họ nyọka jẹ́-ẹ bọhụ ụka ká ọngịnyị a ja bẹnẹla nyang?

YẸ IFIM ỌLẸ KỌ RI OJA NYA ỌHỊHỊ NYAM ỤKA KAM RI ONJWO—ÁNYỊ M TỊ́ KA BWU BỌHỤ ỤKA KỊ JA BẸNẸLA NYAM? KANỤ WẸ ỊTỌ ẸLA ILEJI ỊLẸ:

• Ịyẹ aanahị anjwọ à tị́ ka jẹ́ bwu ẹla ọlẹ kọ họ ta Charlie bala Ferin?

  Ọwẹwẹ nyang

• Ịyẹ adịda bala ịnịna à tị́ ka jẹ́ bwu ẹla ọlẹ ká Charlie bala Ferin ya u-uhye nyọka da anyị nyaa ụbwọ kị ka bọhụ ụka ká ọngịnyị a ja bẹnẹla nyaa?

  Ọwẹwẹ nyang