Ị kaa gba egbeju nya ẹla bala ifim ịlẹ kị ka ju angị la ọkịlẹtụ ọnyịịla ẹ-ẹhị kpehe ẹ-ẹbẹ ọhọhẹ nya ịwẹbsayịtị nyahị. (Ụkụr 13:48) Ụka lụmẹ-lụmẹ, ị kaa ya ẹla rụ́ egbeju nya ẹla ịlẹ kị ja kpa pyẹ o-oja lee ẹla ọlẹ ká angịnyị juwa kụ irya ju bala o-ya ẹla chajị nyaa.

Ányị a tị́ ka jẹ́-ẹ kpa ẹbẹ ọhọhẹ nya jw.org họ ụkụrwọ ẹ-ẹrụ ọnyịịla ọ-kpa pyẹ nyang?

• Wụla ịwẹbsayịtị ọwẹ yẹ hyaahyaa. Ya ẹhị chị ẹla ọlẹ kị ja gba kpehe ụ-ụwa inyeewe ka kụ irya jaabwọ á ka bwu kpa da angịlẹ kị la irya ọnyịịla ụbwọ. (Nyọka yẹ ala ịlẹ kị gba kpehe ụ-ụwa la ụka ọkpangjẹ, yụbwọ ba “See More.”) Kori ka ja ba ẹla ịlẹ kị juwa gba kpehe ị-ịwẹbsayịtị ọwẹ jẹ, ọ ka dang ụbwọ ká ka yé ẹla onyeewe ya je angịnyị ẹ-ẹrụ ọnyịịla ọ-kpa pyẹ nyang.

• Kpa egbeju nya ẹla bala ifim ịlẹ kị gba kpehe ẹ-ẹbẹ ọhọhẹ ọwẹ dọmwụ nya ẹla oyaya bala angịnyị. Egbeju nya ẹla bala ifim ịwẹ kaa dahị ụbwọ nyọka jẹ́ ịngịhyẹ bala ịkịla ịlẹ ká aloye nyahị kaa kụ irya u-uhye nyaa.

• Wụrụ ẹbẹ ọhọhẹ nya ịwẹbsayịtị ọwẹ mẹjẹ angịnyị. Ya ẹla rụ́ egbeju nya ẹla ịhyẹ ịlẹ kị juwa kpangga, ká mẹjẹ jaabwọ ká ọngọọwa ka bwu ẹbẹ ọhẹ ka ọkịla.

• Ya du ẹrụ. Ọ́ kaa há angịhyẹ nyọka ya ẹla tahị lịlaa ka, ma ọọ háa nyọka ka ịwẹbsayịtị nyahị. Lẹ a họ atịmẹ nyọka ya ụgbẹyị ọlẹ ká angịlẹ kị la irya ọnyịịla ka jẹ́-ẹ bwu ka ẹbẹ ọhọhẹ nya jw.org lee egbeju nya ẹla ọhẹ kpangga lee ifim ọhẹ ọlẹ kị gba kpehe ụ-ụwa du kịlaa ka.