Ụgbẹyị ọhẹ ọlẹ kọ hágụ wuu ká adịda bala ịnịna ka da anyị nyaa ụbwọ kị ka yé ẹla ọjẹ́jẹ nya Ohe Oluhye ri ọ-ka daa ụbwọ kị ka yé apyobwuna bwu ọjịra-jịra nya Angịnyị nya ịKịrayịsị. Ang ọlẹ ká anyị anjwo yẹ bala ẹla ọlẹ kị wo bala ẹla ọlẹ kị ya bwu ọnụ lịlaa ọọjịra-jịra ka jẹ́-ẹ daa ụbwọ wẹ ka jẹ́ iJihova bala ọ-ka ri oligu balọọ la apatabwọ kiwa ka. (Ehile 31:12, 13) Kori ká ri adịda lee ịnịna, ányị a tị́ ka bwu da ọnyị nyang ụbwọ nyọka yé apyobwuna yẹẹyẹẹ bwu ọjịra-jịra?

• Maga jaabwọ ká ka ma myị nyọka kpa ẹta nyịlọng ka ọjịra-jịra.—Eje 22:22

• Ya ẹga da kanụ ka joja bala angịkịla nyọka ju awụlẹ ọhụ ene lee ụka ka ọjịra-jịra à myị kpá.—Hib 10:25

• Maga ká ọng myị́ ọng ẹ-ẹpwụ nya ugbiyegu nyang a la ụpwụ ọlẹ kị wẹẹ kpa jẹ́ ang ọọjịra-jịra, o-ri ọlẹ kị da kpehe lee ọla ifon wẹwẹ

• Da ọnyị nyang ụbwọ kọ ka nwụla ịtọ ẹla ọhẹ ọlẹ kọ ka wẹ la omyi ẹla nyịlọmwụ nọ.—Mat 21:15, 16

• Ya ẹla ọnyịịla u-uhye nya ọjịra-jịra nyahị bala ang ọmẹjẹ́ ọlẹ kị kaa mẹjẹ́ẹhị ụ-ụwa

• Da anyị nyang ụbwọ kị ka dụbwọ nyọka kpa Ube nya Ịpyị-Adịrahụ cheri-cheri bala ọ-ka joja bala angịgbahị ịla ọjịra-jịra

Ọ-ka da anyị nyang ụbwọ tụ ju iJihova chwẹẹ á ri ụkụrwọ ochiche ka, ọ-dọmwụ ka lang lala o-ri ọkịlang-kịla ụka ọhẹ myị. Ma, à ka jé-ẹ dahịhile iJihova nyọka dang ụbwọ.—Ayị 40:29.

YẸ IFIM ỌLẸ KỌ RI ADỊDA BALA ỊNỊNA, ANỤ KPỤNỊRỌ IJIHOVA BALA ỌNGỊRỊ NYAMWỤ, KANỤ WẸ ỊTỌ ẸLA ILEJI ỊLẸ:

• Ịyẹ ịnyịrọ ọ-chị pyẹpyẹ à tị́ họ Zack bala Leah?

  Ọwẹwẹ nyang

• Ịyẹ tị́ du kọ baba ká adịda bala ịnịna ka yẹhị rịrị ka ẹga nya iJihova nyọka yé ọngịrị?

  Ọwẹwẹ nyang

• Agbẹyị iyina Zack bala Leah à tị́ kpụnịrọ iJihova nyọka daa ụbwọ?

  Ọwẹwẹ nyang