HỊHỊ LALA ANGỊNYỊ NYA ỊKỊRAYỊSỊ
Ịyẹẹnọ Bala Ikolobya—IJihova à Ri Oligu Olikẹjẹ Nyang Lẹ?
Ụma nya abwẹla ịlanyị à tị́ ká tịtọ ká oligu nyang ka la? Ọhẹka, à tịtọ kọ ka ri ọngọ kpa ịlọmwụ keji, ọngọ họ ọnahị bala ọngọ kaa hu ha pyẹ ụbwọ maaa. IJihova la abwẹla ịwẹ wuu ịnyịnyị. (Ehe 34:6; Ụkụr 14:17) Ọ kaa ke ụrụ lahị ụka kahị ri abwọ họọ. Ọ kaa dahị ụbwọ ụka myị́ ụka kahị baba nya ụbwọ ọdada nyamwụ. (Eje 18:19, 35) Ọ kaa hịnyọhi ịhọbịrị nyahị hahị. (1Jọn 1:9) Oligu ọlam-ọlam iJihova à ri lẹ!
Ányị a tị́ ka bwu ri oligu nya iJihova? Jẹ́ ang chajị nyamwụ bwula ọwa Omyi Ẹla nyamwụ. Ya ẹla ọlọkịlẹtụ nyang jọọ. (Eje 62:8; 142:2) Mẹjẹ nyori ang ịlẹ kị ju apyobwuna ha iJihova, ju apyobwuna hang ịnyịnyị lala Ọnyị nyamwụ, ịpyị-Adịrahụ nyamwụ bala ehe ọchịchị nyamwụ chajị nya ijuju ọnyịịla. Ya ẹla nyamwụ ju angịkịla ịnyịnyị. (Ehile 32:3) Kori ká nwụ́ igu oriri nyang bala iJihova, ọ ka ri oligu nyang gboyi myị́ oyi.—Eje 73:25, 26, 28.
YẸ IFIM ỌLẸ KỌ RI, “ỊYẸẸNỌ BALA IKOLOBYA—“WỤLAYẸ LỊLỌNG KÁ YẸ JAABWỌ KÁ IJIHOVA HÁ KA BA,” KANỤ WẸ ỊTỌ ẸLA ILEJI ỊLẸ:
-
Ányị a tị́ ka bwu nwụlanọ nyọka hu ịlọng ju Ohe Oluhye ụ-ụbwọ bala enyi Ohe ohuhu?
-
Ányị angịkịla ọ-ọjịra-jịra à tị́ ka jẹ́-ẹ dang ụbwọ nyọka gbịgba ha iJihova?
-
Ányị ẹrụ ọnyịịla ọ-kpa pyẹ à tị́ ka jẹ́-ẹ ju igu oriri nyang bala iJihova ọngịrị?
-
Igu oriri bala iJihova kaa hịhị gboyi myị́ oyi!
Akụrwọ iyina à tị́ ji hang nyọka họ ẹ-ẹpwụ nya ogu nya iJihova?
-
Ẹlịyẹ u-uhye nya iJihova à tí myịng lẹhị?
