ANG ỤDỤ BWU OMYI ẸLA NYA OHE OLUHYE | EHE ỌKPỤKPỤ 33-34
Abwẹla Ịnyịịla nya IJihova
Chajị nyọlẹ ká iMosisi jẹ́ abwẹla nya iJihova, ọọwa dọọ ụbwọ nyọka kpa anyị nya ala Isirẹlụ la ugbodu ojuju. Ịnyịnyị, kori kahị maga nyọka jẹ́ abwẹla nya iJihova, ahị ka jẹ́-ẹ mẹ ọnahị jẹ ẹ-ẹga nya aanahị alẹng bala anyang.
-
Ọ “ri Ohe Oluhye ọlahyẹẹrwẹrwa bala ọlọnahị”: IJihova kaa kpẹhị rịrị anchẹ nyamwụ la ọháha bala ọ-kpaa irya jaabwọ ká adịda kaa kpahị ju anyị nyamwụ
-
Ọ́ọ “ju agbama hyaa ka”: IJihova kaa ju ugbodu bala anchẹ nyamwụ, ọ kaa ju ugbodu balahị ụka kahị họ ọhọbịrị bọọ, ọ tị kaa ya ụka hahị nyọka yẹda
-
Ọ “la ọháha o-gbu enyi-ka”: IJihova la ọháha o-gbu enyi-ka ẹ-ẹga nya angịnyị nyamwụ, lẹ igu oriri nyamwụ bala anchẹ nyamwụ kaa juwa gboyi myị́ oyi
TỊLỌNG WO WẸẸ, ‘Ányị m̀ tị́ ka bwu gbịla ọgụ-ẹpẹtẹ nya iJihova nyọka mẹ ọnahị bala ahyẹẹrwẹrwa jẹ?’
