Alibeenu nya iJihova la iwe ọkpọnchị ọhẹ. Lala Angịnyị nya ịKịrayịsị ịlẹ kị hu ịlaa ju Ohe Oluhye ụ-ụbwọ bala o-hu enyi Ohe, ahị ka jẹ́-ẹ kịnyaa la ọ-ka ju igu oriri nyahị bala iJihova Ohe Oluhye Agụgụ ọngịrị kịlahị-ịlahị. Ọ gbileehi ba ịlọmwụ bwula Ọnyị nyamwụ. (Jọn 6:44) Ọ tị kaa ke ụrụ la abwọ ọrịrị nyahị.​—Eje 34:15.

Ányị ahị tị́ ka bwu chewu ke igu oriri nyahị bala Ohe Oluhye? Ang ọhọhẹ ri, ahị ka cheji ba hi ọgụ-ẹpẹtẹ ọtịpyọ nya ala Isirẹlụ. Ọ́ tata nyọlẹ kị nwa iro nya igu oriri bala iJihova lẹka, ọọwa lẹ, ị họ ukpeku nya ẹna bala o-juwa gbịgba họọ lẹlẹ. (Ehe 32:​7, 8; 1Kọr 10:​7, 11, 14) Ahị ka tịlọhị wo myị́: ‘Ányị m̀ tị́ kaa họ ụka ká ọmayẹ nyọka họ ang ọtịpyọ a wẹ chịm ọgụ? Abwẹla nyam mẹjẹ nyori igu oriri nyam bala iJihova myịm lẹhị?’ Ọháha okpori-kpori ọlẹ kahị la ha Adahị olepwoohe ka dahị ụbwọ nyọka cheji ba hi ịngịngịhyẹ ịlẹ kị kaa wọọ ẹjẹ.​—Eje 97:10.

YẸ IFIM ỌLẸ KỌ RI, CHEWU KE IGU ORIRI NYANG BALA IJIHOVA (KOL 3:5), KANỤ WẸ ỊTỌ ẸLA ILEJI ỊLẸ:

• Ịyẹ à tị́ ri ẹhị ọ-chị pyẹ̀ẹẹ?

• Ịyẹ tị́ du kahị ka cheji ba hi ẹhị ọ-chị nyanya nya ang bala ịgba ọgbagba ha ihye ijiga?

• Ányị ụya ọhọhọ bala ịgba ọgbagba ha ihye ijiga à tị́ da ori wu awụlẹ?

• Ịyẹ tị́ du kọ baba yẹẹyẹẹ ká angịlẹ kị la iwe-ahụrụ ọhẹ ẹ-ẹpwụ nya ogu ka kpahị ju nyọka jẹ́ myị̀myị̀ nyori ị họ ịbaba nya ịhụ nyaa haa?