Kori ká chẹhị ka ye àpwụ̀ nya ekeji ịhụ́hị-hụ́hị, ịdịchụ iluhye-ọgba, bala ọ̀bá ọlẹ kọ juwa mwụ́, à kaa yẹ ụkụrwọ ẹbyẹbyị nya Ọngọ họ ang wuu? Ang ịlẹ ká iJihova họ dagaga juhi, mẹ abwụma nyamwụ ịlẹ kị kpịbaa hi ẹhị nya angịnyị ehe, jẹ. (Rom 1:20) Kori kahị kụ irya ju ang ịlẹ kahị wẹẹ kpẹhị nya ịlọhị yẹ, ahị ka jẹ́ ang u-uhye nya ọngịrị, ọháha, ẹla ọjẹ́jẹ, eje ọkpẹẹkpẹẹ, bala ụbwọ ọ-pyẹ maa nya iJihova.—Eje 104:24.

Akụrwọ-ụbwọ nya iJihova iyina a tị́ kaa yẹ ẹnụ myị́ ẹnụ? Kori ká dọmwụ kụ epweji ọtụka wẹwẹ, à ka yẹ ịchịnụ bala ekeji myị́. Kori kahị kụ ẹhị yẹ akụrwọ- ụbwọ nya iJihova yẹẹyẹẹ, ọ ka dahị ụbwọ chụ uko ọchịchị nyahị hi, áhị ka ya irya nyahị nịrọ akama nyahị ka, ọ ka ju ọmyịmyị nyahị ọngịrị nyori iJihova ka jẹ́-ẹ kpahị juhi gboyi myị́ oyi. (Mat 6:25-32) Kori ká ma anyị, daa ụbwọ nyọka yẹ abwụma ịnyịịla nya iJihova ịwẹ. Jaabwọ ká ụkụrwọ-ụbwọ nya iJihova wẹẹ myịhị lẹhị kịlahị-ịlahị, ahị ka juwa tụ jwoo chwẹẹ gụ ọwọwa.—Eje 8:3, 4.

YẸ IFIM ỌLẸ KỌ RI AKỤRWỌ-ỤBWỌ ỊLẸBYẸBYỊ NYA OHE OLUHYE MẸ OGBO NYAMWỤ JẸ—ILA BALA IDO, KÁ WẸ ỊTỌ ẸLA ỊLẸ:

• Ányị ahị tịị bwu yẹ ido u-uhye nya ang?

• Ịyẹ tị́ du ká ido nya ang ịhyẹ kaa yẹ nyiro-nyiro?

• Ịyẹ tị́ du ká egbamwụ kaa la ido ịdatị-datị?

• Ido ịhụ́hị-hụ́hị iyina a tị́ kaa yẹ u-uhye nya ụkụrwọ-ụbwọ nya Ohe Oluhye o-oye ẹpwa nyang?

• Ịyẹ tị́ du kọ baba nyọka kpa ụka nyahị yẹ ang ịlodehe?